Երբ մեր ուժեղագույն խաղացողները վերադառնան՝ կհաղթենք ցանկացած թիմի․ «Մանչեսթեր Յունայթեդի» գլխավոր մարզիչ

18:07 • 30.12.23

«Մանչեսթեր Յունայթեդի» գլխավոր մարզիչ Էրիկ տեն Հագը խոսել է անգլիական թիմում տիրող իրավիճակի մասին։

«Աստոն Վիլլայի դեմ խաղը ապացույց էր՝ չնայած բոլոր խնդիրներին: Ոչ մի այլ թիմ այնքան խնդիրներ չի ունեցել, որքան մենք:

Մենք գոհ չենք վաստակած միավորների քանակից, բայց ընդհանուր առմամբ գոհ ենք մեր դիրքից։ Երբ բոլոր խաղացողները վերադառնան, մենք ուժեղ կազմ կունենանք։

Մենք հավասար պայմաններում խաղացինք «Լիվերպուլի», «Արսենալի» և «Աստոն Վիլլայի» դեմ՝ առաջնության երեք լավագույն թիմերի հետ: Ուստի մենք կարողանում ենք հաղթել ցանկացած մրցակցի։

«Աստոն Վիլլայի» դեմ հանդիպումը ևս մեկ անգամ ցույց տվեց, որ մենք ուժեղ կազմ ունենք։ Մենք կարող ենք պայքարել և խաղալ առաջնության լավագույն թիմերի դեմ։

Երբ մեր ուժեղագույն խաղացողները վերադառնան, ճիշտ մտածելակերպով մենք կարող ենք հաղթել ցանկացած թիմի»,- Տեն Հագի խոսքերն է մեջբերում Manchester Evening News-ը։