ԳՇ պետի նախկին տեղակալ Ստեփան Գալստյանը 25 մլն դրամ գրավի դիմաց ազատ կարձակվի. փաստաբան

13:54 • 30.12.23

ՀՀ ԶՈՒ ԳՇ պետի նախկին տեղակալ Ստեփան Գալստյանի խափանման միջոցը կփոխվի․ նա ազատ կարձակվի 25 մլն դրամ գրավի դիմաց:  

Այս մասին Tert.am-ի հետ զրույցում հայտնեց նրա փաստաբան Անդրանիկ Մանուկյանը։

«Միջնորդություն ենք ներկայացրել դատարան, դատարանը բավարարել է և կփոխվի փոխել խափանման միջոց կալանքը: Երբ կարողանան գրավը մուծել, ազատ կարձակվի»,– ասաց նա։

Հիշեցնենք, որ ԳՇ պետի նախկին տեղակալ Ստեփան Գալստյանը կալանքի տակ է գտնվում 2021 թվականից: Նրան մեղադրանք է առաջադրվել ՀՀ պաշտպանության նախկին նախարար Դավիթ Տոնոյանի ու զենքի մատակարարմամբ զբաղվող Դավիթ Գալստյանի գործով։

Ըստ Ազգային անվտանգության ծառայության՝ 2018-2020 թվականները պաշտպանության նախարարի պաշտոնը զբաղեցրած Դավիթ Տոնոյանը և Դավիթ Գալստյանը մեղադրվում են շուրջ 4.7 միլիոն դոլար հափշտակելու և կեղծիքներ, հանրորեն վտանգավոր արարքներ կատարելու համար՝ ԶՈՒ-երի կարիքների համար ռազմամթերքի մատակարարման գործընթացում չարաշահումներ և առանձնապես խոշոր չափերով հափշտակություններ կատարելու դեպքերի առթիվ քննվող քրեական գործի շրջանակում։