BMW-ն Խանջյան փողոցում բախվել է 74 երթուղին սպասարկող ավտոբուսին (լուսանկարներ)

12:50 • 31.12.23

Դեկտեմբերի 31-ին, ժամը 11:00-ին Ճգնաժամային կառավարման ազգային կենտրոն տեղեկություն է ստացվել, որ Երևանի Խանջյան փողոցում տեղի է ունեցել ՃՏՊ՝ բախվել է երկու ավտոմեքենա․ կա արգելափակված քաղաքացի։

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ բախվել են «BMW» մակնիշի (վարորդ՝ Ռ․ Գ․) ավտոմեքենան և «МAN» մակնիշի (վարորդ՝ Մ․ Ս․) ավտոբուսը։

Մինչ փրկարարների կանչի վայր հասնելը՝ Ոստիկանության պարեկային ծառայության աշխատակիցները «BMW» մակնիշի ավտոմեքենայի վարորդին մոտեցրել են շտապօգնության ավտոմեքենային, վերջինս հոսպիտալացվել է բժշկական կենտրոն։

Փրկարարները հոսանքազրկել են «BMW» մակնիշի ավտոմեքենան։

 

74 երթուղու ավտոբուսը սպասարկում է Դավթաշեն 4-րդ թաղամասից դեպի Էրեբունի թանգարան երթուղին։

May be an image of car

May be an image of 7 people, car and text that says 'POLICE'

May be an image of 1 person and car

 May be an image of text