ՆԱՏՕ-ի երկրները հայտարարել են, որ կշարունակեն օգնություն ցուցաբերել Ուկրաինային

21:59 • 10.01.24

ՆԱՏՕ-Ուկրաինա խորհրդի նիստը տեղի է ունեցել չորեքշաբթի օրը Բրյուսելում ՝ դեսպանների մակարդակով:

Դրա արդյունքներով դաշինքի պետությունները հայտարարել են, որ կշարունակեն Կիևին ռազմական օգնություն ցուցաբերել, այդ թվում ՝ ՀՕՊ-ի ուժեղացման համար:

Այս մասին փոխանցում է «ՌԻԱ Նովոստին»։

«Դաշնակիցներն արդեն հակաօդային պաշտպանության համակարգերի լայն սպեկտր են մատակարարել Ուկրաինային, այսօր նրանք հաստատել են իրենց հավատարմությունը Ուկրաինայի պաշտպանունակության հետագա ուժեղացմանը»,-ասվում է հանդիպման արդյունքներով արված հայտարարության մեջ:

Փաստաթղթում նշվում է, որ բացի ռազմական օգնությունից, ՆԱՏՕ-ի երկրները կշարունակեն Ուկրաինային տնտեսական և հումանիտար աջակցություն ցուցաբերել: