Բաքվում «հրաժարվել են» ընդունել Լուիս Բոնոյին. ադրբեջանական լրատվամիջոցներ
ԱՄՆ Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի համանախագահ Լուիս Բոնոն օրերս Երևան այցելելուց և պաշտոնյաների, այդ թվում՝ Հայաստանի արտգործնախարար Արարատ Միրզոյանի, Անվտանգության խորհրդի քարտուղար Արմեն Գրիգորյանի և խորհրդարանի փոխնախագահ Ռուբեն Ռուբինյանի հետ հանդիպումներից հետո Ադրբեջան չի մեկնել։
Ինչպես նշում է Minval-ը՝ վստահելի աղբյուրներին հղումով, Բաքվում իբրև «հրաժարվել են» (չակերտները՝ Tert.am) ընդունել Բոնոյին:
Ըստ աղբյուրի՝ պատճառը տարածաշրջանում ԱՄՆ-ի վարած «անհասկանալի» (չակերտները՝ Tert.am) քաղաքականությունն է:










