Ռիո դե Ժանեյրոյում ջրհեղեղների հետևանքով 11 մարդ է զոհվել (լուսանկարներ)

09:25 • 15.01.24

Ռիո դե Ժանեյրոյում հորդառատ անձրևների առաջացրած ջրհեղեղների հետևանքով 11 մարդ է զոհվել, հայտնում է G1 պորտալը՝ վկայակոչելով հատուկ ծառայությունների տվյալները։ Քաղաքում արտակարգ դրություն է հայտարարվել։

Հունվարի 13-ից 14-ը հորդառատ անձրևներ են տեղացել Ռիո դե Ժանեյրոյի հյուսիսային շրջանում: Դրանք հանգեցրել են գլխավոր մայրուղիների հեղեղմանը և կաթվածահար արել հասարակական վերգետնյա տրանսպորտի և մետրոյի աշխատանքը։ Փրկարարների տվյալներով՝ 11 մարդու մահվան պատճառ են դարձել սողանքները և քաղաքի էլեկտրացանցերի պոկված լարերից էլեկտրահարումները։

Ռիո դե Ժանեյրոյի քաղաքապետ Էդուարդո Պաեսը կոչ է արել բնակիչներին անհարկի չլքել իրենց տները, քանի դեռ քաղաքում իրավիճակը չի կարգավորվել։ 

Rio de Janeiro floodingBrazil floods: Deadly torrential rains hit Rio de Janeiro - BBC News