Վարդան Ղուկասյանը հրաժարվում է «Հանրային ձայնից» ու նոր կուսակցություն է ստեղծում

20:25 • 19.01.24

Վարդան Ղուկասյանը հրաժարվում է «Հանրային ձայնից» և ստեղծում է նոր՝ «Դեմոկրատիա, օրենք և կարգապահություն» (ԴՕԿ) կուսակցությունը։

Այս մասին «Հանրային Ձայն» կուսակցության ժողովին տեսակապի միջոցով հայտարարել է կուսակցության հիմնադիր, խորհրդի անդամ Վարդան Ղուկասյանը։

«Դատական հայց ունեցող կուսակցությունը չի կարող գրանցվոլ որպես կուսակցություն՝ ընտրություններին մասնակցելու համար։ Ես որոշեցի իմ արած-դրած, իմ ստեղծած կուսակցությունից հրաժարվել ու ստեղծել նորը»,-ասել է նա։ 

Նրա խոսքով՝ իր նոր կուսակցութոյւնը համալրված կլինի նոր երիտասարդ կադրերով, արդեն ստուգված, որպեսզի այլևս ոչ մեկը չկարողանա ինչ-որ պրիտենզիաներ ներկայացնել, որ ինքն է դա արել։

Կուսակցության առաջին համագումարը նախատեսված է մարտի 5–ին։