Խոսքի ազատությունը դատարկ արտահայտություն է Սպիտակ տան և Պետդեպարտամենտի համար․ Զախարովա
Խոսքի ազատությունը դատարկ արտահայտություն է Սպիտակ տան և Պետդեպարտամենտի համար։ Այս մասին Telegram-ի ալիքում գրել է ՌԴ ԱԳՆ պաշտոնական ներկայացուցիչ Մարիա Զախարովան։
Փոխանցում է ՏԱՍՍ-ը։
Այսպես է մեկնաբանել դիվանագետը տեղեկությունը, որ YouTube վիդեոհոսթինգը արգելափակել է ՌԴ Կինեմատոգրաֆիստների միության նախագահ, ՌԴ ժողովրդական արտիստ Նիկիտա Միխալկովի BesogonTV ալիքը։
«Տեղեկատվության հասանելիության ազատության իրավունքի պաշտպանությունը, կարծիքների բազմակարծությունը, խոսքի ազատությունը՝ այս ամենը դատարկ արտահայտություն է Սպիտակ տան, Պետդեպարտամենտի և հատկապես մասնավոր կորպորացիայի համար, որը լիովին վերահսկվում է ԱՄՆ հետախուզական ծառայությունների կողմից»,- գրել է նա։
Զախարովան նշել է, որ ամերիկյան «առաջադեմ ժողովրդավարությունը» թքած ունի խոսքի ազատության ապահովման ոլորտում միջազգային պարտավորությունների վրա։










