Հաքերները կոտրել են Վրաստանի նախագահի կայքը

16:52 • 26.01.24

Վրաստանի նախագահ Սալոմե Զուրաբիշվիլիի կայքը չի աշխատում, այն ներկայումս «վերականգնման փուլում է»։ Կայքը կոտրել են այսօր՝ հունվարի 26-ին:

Ավելի վաղ կայքի էջում կանաչ գանգ պատկեր էր երևում, այնուհետև president.ge կայքը անհասանելի էր։

Վերջին 24 ժամվա ընթացքում երկու ընդդիմադիր վրացական հեռուստաալիք՝ Formula-ն և Mtavari-ն, հայտարարել են իրենց կայքերի վրա հաքերային զանգվածային հարձակման մասին: