Իսրայելը հարվածել է Դամասկոսում իրանցի խորհրդականների կենտրոնին

17:04 • 29.01.24

Իսրայելական բանակը գնդակոծել է Սիրիայում իրանցի ռազմական խորհրդականների կենտրոնը, հայտնում է իրանական Tasnim պետական գործակալությունը։

«Իսրայելը հարձակվել է իրանական ռազմական խորհրդատվական կենտրոնի վրա Դամասկոսի արվարձանում գտնվող Սաիդա Զեյնաբ շրջանում, ինչի հետևանքով մի քանի մարդ սպանվել և վիրավորվել է», - ասվում է հրատարակության մեջ:

Նշվում է, որ հարվածի հետևանքով երկու խաղաղ բնակիչ է զոհվել։ Բացի այդ, ավերվել են մի քանի բնակելի շենքեր։ Գործակալությունը չի հստակեցրել, թե արդյոք զոհեր կան իրանցի խորհրդականների շրջանում։