Իսրայելցի զինվnրները ներթափանցել են Արևմտյան ափի հիվանդանոց՝ հագնված մուսուլման կանանց և բուժաշխատողների պես (տեսանյութ)
Իսրայելցի զինվորները, հագնված մուսուլման կանանց և բուժաշխատողների պես, մի մասն էլ՝ կեղծ մորուքներով, ներխուժել են Արևմտյան ափին գտնվող հիվանդանոց, այնտեղ սպանել են երեք պաղեստինցու, որոնք մեղադրվում էին իսրայելցիների վրա հարձակում ծրագրելու համար:
Իսրայելի պաշտպանության բանակի զինվորները հիվանդանոց են մտել այսօր առավոտյան՝ գնդակահարելով ՀԱՄԱՍ-ի հետ առնչություն ունեցող երեք մարդու:
Համացանցում հայտնվել են գաղտնի տեսահսկման տեսախցիկներից ստացված կադրերը, որոնցում երևում են տասնյակից ավելի իսրայելցի զինծառայողներ, այդ թվում՝ երեքը կանացի հագուստով և երկուսը՝ բժշկական անձնակազմի հագուստով, որոնք ինքնաձիգներով առաջ են շարժվում Ջենինի «Իբն Սինա» հիվանդանոցի միջանցքով:
Իսրայելի իշխանությունները հաստատել են այս գործողությունը, իսկ Իսրայելի ոստիկանության նախարարը տեսանյութը տարածել է սոցիալական ցանցերում:
















