Թբիլիսիում մեքենան Մետեխիի կամրջից Քուռ գետն է ընկել (տեսանյութ)

13:02 • 16.02.24

Թբիլիսիում գիշերը Մետեխիի կամրջից Քուռ գետն է ընկել ավտոմեքենա. փրկարարները մեքենայում հայտնաբերել են մեկ դի։ Այս մասին հայտնում է Սպուտնիկ գործակալության վրացական ծառայությունը:

Արտակարգ իրավիճակների ծառայության ներկայացուցիչ Լևան Մուսելիանիի խոսքով՝ մահացածի ինքնությունը դեռ պարզված չէ։

Ըստ դեպքի ականատեսների՝ հինգշաբթի ուշ երեկոյան մեքենան բախվել է Մետեխի կամրջի արգելապատնեշին ու ընկել գետը։