Նավալնին մահացել է բնական պատճառներով. Նավալնու ներկայացուցիչ

21:26 • 22.02.24

«Բևեռային գայլ» գաղութում փետրվարի 16-ին մահացած ռուս ընդդիմադիր գործիչ Ալեքսեյ Նավալնին, բժշկական եզրակացության համաձայն, մահացել է բնական պատճառներով՝ հայտնել է Նավալնու ներկայացուցիչ Կիրա Յարմիշը: Քաղաքական գործչի մայրն էլ տեղեկացրել է, որ իրեն ցույց են տվել որդու մարմինը, սակայն պահանջել են գաղտնի հուղարկավորություն կազմակերպել՝ Ռուսաստանի քննչական կոմիտեի պայմաններով:

Փետրվարի 16-ին Դաշնային քրեակատարողական ծառայության Յամալ Նենեցյան ինքնավար շրջանի վարչությունը հայտնել է քրեակատարողական հիմնարկում Ալեքսեյ Նավալնիի մահվան մասին։ Ըստ գերատեսչության տվյալների՝ զբոսանքից հետո նա իրեն վատ է զգացել և կորցրել գիտակցությունը, բժիշկները կես ժամից ավելի փորձել են վերակենդանացնել նրան: 

Հիշեցնենք՝ Նավալնիի մահից հետո ռուսական ԶԼՄ-ները գրել են, որ քաղաքական գործչի մահվան պատճառը եղել է թրոմբը: