Լեհաստանում ակտիվիստները գոմաղբ են թափել ՌԴ դեսպանի վիլլայի դիմաց

17:15 • 24.02.24

«Եվրամայդան» նախաձեռնության ակտիվիստները 2 տոննա գոմաղբ են թափել Վարշավայում ՌԴ դեսպանի վիլլայի դիմաց։

Այս մասին հայտնում է BILD-ի Telegram ալիքը։

Նշվում է, որ գոմաղբի կույտի կողքին տեսանելի է եղել ռուսական «արյունոտ» դրոշը և ՌԴ հասցեին վիրավորական մակագրություն։

Բացի այդ, ակտիվիստները հայտարարել են Լեհաստանից ռուս դիվանագետներին արտաքսելու անհրաժեշտության մասին։

«Քանի դեռ մենք հանդուրժում ենք ռուս կեղծ դիվանագետների գործունեությունը, համաշխարհային կոնֆլիկտի վտանգը միայն կմեծանա», - ասել են ակտիվիստները: