Լարսը կրկին փակվել է բեռնատարների համար

22:51 • 07.03.24

Վրաստանից Ռուսաստան տանող Վերին Լարսի ճանապարհը բեռնատարների համար կրկին փակ է։

Ինչպես փոխանցում է Սպուտնիկ Արմենիա-ն, այս մասին հայտնում է Վրաստանի տարածքային զարգացման և ենթակառուցվածքների նախարարության ճանապարհային դեպարտամենտը։

Նշենք, որ Վերին Լարս տանող ճանապարհը փակվել էր մարտի 6-ին, այնուհետև մարտի 7-ի երեկոյան բացվել էր բոլոր տրանսպորտային միջոցների համար։

«Ձյան և ցածր ջերմաստիճանի պատճառով Գուդաուրի–Կոբի հատվածում արգելվել է երթևեկությունը կցորդիչով և կիսակցորդիչով տրանսպորտային միջոցների համար»,– ասված է հաղորդագրությունում։