Պակիստանում 5,4 մագնիտուդ ուժգնությամբ երկրաշարժ է գրանցվել

09:59 • 19.03.24

Պակիստանի արևմուտքում 5,4 մագնիտուդ ուժգնությամբ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնի կայքը։

Փորձագետների տվյալներով՝ ստորգետնյա ցնցումների էպիկենտրոնը գտնվում է Բելուջիստան նահանգի Նուշկի քաղաքից 68 կմ հյուսիս-արևմուտք։ Օջախը եղել է 10 կմ խորության վրա։

Զոհերի և ավերածությունների մասին պաշտոնական տեղեկություն չկա։