Crocus City Hall-ում կատարվածից հետո Արևմուտքի հետ շփումներ չեն եղել. Կրեմլ

14:24 • 25.03.24

ՌԴ նախագահի մամուլի քարտուղար Դմիտրի Պեսկովը հայտարարել է, որ Crocus City Hall համալիրում տեղի ունեցած ահաբեկչությունից հետո Արևմուտքի հետ շփումներ չեն եղել։

«Այժմ ոչ մի շփում չկա արևմտականների հետ»,- ասել է Պեսկովը՝ պատասխանելով ՏԱՍՍ-ի հարցին։

Միևնույն ժամանակ Կրեմլի ներկայացուցիչը նշել է, որ «նախորդ օրը նախագահ Վլադիմիր Պուտինը բազմաթիվ հեռախոսազրույցներ է ունեցել»։

Նա նշել է, որ պետության ղեկավարը զրուցել է տարբեր երկրների, այդ թվում՝ Բելառուսի, Ուզբեկստանի, Տաջիկստանի, Թուրքիայի ղեկավարների հետ:

Հիշեցնենք, որ Մոսկվայի Crocus City Hall համերգասրահում մարտի 22-ի երեկոյան տեղի ունեցած ահաբեկչության հետևանքով վերջին տվյալներով զոհվել է 133 մարդ, այդ թվում՝ երեխաներ։ Զոհվածների թվում հա նաև մեկ ՀՀ քաղաքացի։ Ահաբեկչությունից հետո ի հիշատակ զոհերի մարտի 24-ին Ռուսաստանում համազգային սգո օր է հայտարարվել։