Դրեզդենյան խաղաղության մրցանակը հետմահու շնորհվել է Նավալնիին
2024 թվականին Դրեզդենյան խաղաղության մրցանակը հետմահու շնորհվել է ռուսական ընդդիմության առաջնորդներից մեկին՝ Ալեքսեյ Նավալնիին, որը փետրվարի 16-ին մահացել է ՌԴ-ի գաղութներից մեկում: Այս մասին հայտնում է dw.com կայքը:
Մրցանակը մայիսի 12-ին Դրեզդենի պետական դրամատիկական թատրոնում (Staatsschauspiel Dresden) կհանձնվի նրա այրուն՝ Յուլյա Նավալնայային։
Դրեզդենյան խաղաղության մրցանակը ամեն տարի շնորհվում է այն անհատներին, որոնք ակնառու ներդրում են ունեցել խաղաղության և միջազգային փոխըմբռնման գործում: Նախկինում այն շնորհվել է նաև ԽՍՀՄ նախկին նախագահ Միխայիլ Գորբաչովին:










