Եղանակն՝ այսօր
Իրանի կողմից hարվածի դեպքում Իսրայելը պատասխան hարված կտա, այդ թվում՝ Իրանի էներգետիկ օբյեկտներին․ Իսրայելի պաշտպանության նախարար
Իսրայելը իրեն չի զսպի Իրանի կողմից հարվածի դեպքում և պատասխան հարված կտա, այդ թվում՝ Իրանի էներգետիկ օբյեկտներին, հայտարարել է Իսրայելի պաշտպանության նախարար Իսրայել Կացը, հաղորդում է ՏԱՍՍ-ը։
Այս հայտարարությունը նա արել է Պաշտպանության նախարարության աշխատակիցների հետ հանդիպման ժամանակ՝ մոտալուտ Ռոշ Հաշանա տոնի՝ հրեական Նոր տարվա կապակցությամբ:
«Մենք տեսնում ենք նշաններ, որ հզոր տնտեսական ճնշումը, որի տակ գտնվում է Իրանը, և ապստամբության ու ռեժիմի փլուզման վախը կարող են նրանց դրդել ծայրահեղ քայլերի», - պնդել է Կացը:
Դատողություններ անելով այն մասին, որ Իրանը կարող է հարվածել Իսրայելին՝ նախարարը սպառնացել է խիստ պատասխան միջոցներով:
«Իրանական հարձակումը Իսրայելի ուղղությամբ մեզ կազատեր ցանկացած զսպող գործոններից, մենք հարված կհասցնեինք ողջ ենթակառուցվածքին, ներառյալ էներգետիկ ենթակառուցվածքին, և Իրանին հետ կվերադարձնեինք քարե դար ու խավար», - հայտարարել է նա:
Studio One