Հայտնի ու հարուստ կանայք, որ նախկինում բորտուղեկցորդուհիներ են աշխատել

14:21 • 13.07.17

Շոուբիզնես

Նայելով հեռուստաաստղ Քրիս Ջեներին, դժվար է պատկերացնել, որ նա նաև այլ աշխատանքով է զբաղվել։ Եղել է ժամանակ, երբ Քրիսը չի նկարահանվել և բավականին սովորական աշխատանք է ունեցել։

Spletnik-ը գրում է, որ այս կանայք ոչ միշտ են հեռուստաասղտեր կամ դերասանուհիներ եղել։ Ժամանակին նրանք բոլորը բորտուղեկցորդուհիներ են աշխատել։

Լյուդմիլա Պուտինա

ՌԴ նախկին առաջին տիկինն ու Վլադիմիր Պուտինի նախկին կինը՝ Լյուդմիլա Պուտինան ոչ միշտ է հայտնի եղել։ Նախկինում նա սովորել է Մինսկում ու բորտուղեկցորդուհի է դարձել։ Այս աշխատանքով զբաղվել է մոտավորապես 2 տարի։ Աշխատանքը թողել է հենց ապագա ամուսնու՝ Պուտինի համար։ Նրանք Լենինգրադում են ծանոթացել, սակայն դժվարությամբ են հանդիպել, քանի որ Լյուդմիլան բավականին ժամանակատար աշխատանք ուներ։ Ամուսնությունից հետո Լյուդմիլան դուրս է եկել աշխատանքից։

Քրիս Ջեներ

Հեռուստաաստղ Քրիս Ջեները դեռ մանկուց հասկացել է, որ ամեն ինչի պետք է սեփական ուժերով հասնել։ Երիտասարդ տարիքում նա խմորեղենի խանութում է աշխատել, ամեն օր 5։30 աշխատանքի է գնացել ու լվացել խանութը։ Որոշ ժամանակ անց Քրիսը որոշել է բորտուղեկցորդուհի դառնալ, սակայն այս աշխատանքով երկար չի զբաղվել։ Հարցազրույցներից մեկի ընթացքում հեռուստաաստղը նշել է, որ այդ աշխատանքն իրեն սովորեցրել է երբեք չուշանալ։

Էվենջելին Լիլի

Lost հեռուստասերիալի դերասանուհի Էվենջելին Լիլին դպրոցական տարիներին միայն կամավորությամբ էր զբաղվում։ 18 տարեկանում նա կարողացել էր բորտուղեկցորդուհի դառնալ։ Որոշ ժամանակ անց նա ստիպված էր դուրս գալ աշխատանքից, քանի որ ավիաընկերությունը սննկացել էր։ Հարցազրույցներից մեկի ընթացքում Լիլին նշել է, որ այդ աշխատանքի շնորհիվ կարողացել է աշխարհի տարբեր երկրներում լինել, սակայն դա աշխատանքի միակ դրական կողմն էր։

Քերոլ Միդլթոն

Արքայազն Ուիլիամի կնոջ՝ Քեյթ Միդլթոնի մայրը՝ Քերոլ Միդլթոնը հենց ավիաընկերությունում է ծանոթացել ապագա ամուսնու՝ Մայքլ Միդլթոնի հետ։ Սկզբում նա փոքր ավիաընկերություններում էր աշխատում, սակայն կարողացել է ավելի հայտնի ավիաընկերություն տեղափոխվել։ Հետագայում ամուսինները թողել են այդ աշխատանքն ու մանկական երեկույթների կազմակերպման սեփական ընկերությունն են հիմնադրել։