«Ավելի ագրեսիվ եմ դարձել». Աննա Դեմիրխանյանը` սևահերից շիկահեր դառնալու մասին

18:25 • 18.07.17

Շոուբիզնես

«Միսիս Եվրոպա 2016»– տիտղոսակիր Աննա Դեմիրխանյանը ոճային կտրուկ փոփոխություն է արել։ Նա կտրել է մազերը և սևահերից դարձել շիկահեր։ Tert.am Life–ի հետ զրույցում մոդելը պատմեց, որ վաղուց էր որոշել փոփոխություն անել։

«Կյանքում սիրում եմ փոփոխություններ անել։ Միշտ լսում եմ ներքին ձայնիս ու ինչ ուզում եմ անում եմ։ Վաղուց էի ցանկանում շիկահեր դառնալ, բայց չէի համարձակվում, քանի որ դժվար է մազերի որակը պահել։ Իմ կյանքում մի քանի անգամ շիկահեր եղել եմ։ Սկզբում շատ էի երկմտում. փոխեմ, թե` ոչ։ Բայց մի օր արթնացա և ասացի, որ վերջ բավական է երկմտեմ։ Եթե վատ ստացվի նորից կվերադառնամ իմ վարսերի գույնին։ Բացի գույնի փոփոխությունից նաև սանրվածքս փոխեցի»,– ասաց Աննան։

Վերջինս նշեց, որ շատերն իրեն այսպես չեն ճանաչել։ «Իհարկե, մեծամասնությունը, որ ինձ տեսնում է չի ճանաչում։ Երբ տանից դուրս եմ գալիս, շատերը կարծում են` տեղացի չեմ ու սկսում են ռուսերեն խոսել։ Ծանոթներիցս շատերն ասում են սիրուն է, բայց սևով ավելի լավն ես։ Իսկապես, բոլորն ավելի շատ բնական մազերիս գույն են հավանել կամ պարզապես նրան են սովոր։ Ես նույնպես սև վարսերի կողմնակից եմ։ Ինձ ավելի շատ եմ սիրում բնական գույնով»,– նշեց նա։

Աննայի խոսքով` ինքն արդեն 7–8 տարի է փոփոխություններ չի կատարել։ «Երբ ինչ–որ փոփոխություն ես անում, նոր մարդ ես զգում քեզ։ Մի տեսակ ավելի ակտիվ, ինքնավստահ, ագրեսիվ ու նպատակասլաց եմ դարձել»,– հավելեց մոդելը։

«Միսիս Եվրոպա 2016»–ի տիտղոսակիրը նշեց, որ ցանկացած կտրուկ փոփոխության պատրաստ է։ « Ես համարձակ եմ փոփոխությունների հարցում։ Բայց կան բաներ, որոնք չեմ անի. պլաստիկ վիրահատություններ, կանաչ, կապույտ, մանուշակագույն երանգների վարսեր և այլն»,–եզրափակեց Աննան։