Արմեն Պետրոսյանը` Կարեն Ասլանյանի և Քրիստինա Եղոյանի սիրավեպի և իր հասցեին մեղադրանքների մասին

17:44 • 11.08.17

Շոուբիզնես

Էլեկտրոնային լրատվամիջոցներում լուրեր են տարածվել, որ «Դեպի Երազանք» հեռուստանովելի գլխավոր դերակատար Կարեն Ասլանյանն անտարբեր չէ հերոսուհու` Քրիստինա Եղոյանի հանդեպ և հենց նրա խնդրանքով է նախագծի պրոդյուսեր Արմեն Պետրոսյանը` Մենչը, Քրիստինային ընտրել որպես գլխավոր հերոսուհի։ «Քրիստինե Եղոյանը ու Կարեն Ասլանյանը սիրավե՞պ ունեն, թե Մենչի հերթական բլեֆն է» վերտառությամբ` Boomnews.am-ի հոդվածում տեղեկության տարածմանը զուգահեռ նաև մեղադրանք է հնչում Արմենի հասցեին, թե, հնարավոր է, այս լուրերը պտտվում են հենց նրա նախաձեռնությամբ` նախագծի ռեյթինգն ապահովելու համար։

Tert.am Life–ը կապ հաստատեց Արմենի և Կարենի հետ` խոսելու թեմայի մասին։ «Առհասարակ, ես չեմ խոսում իմ անձնական կյանքի մասին։ Ինչն անձնական էմ դա իմն է։ Ասածս վերաբերում է ոչ թե Քրիստինե Եղոյանին, այլ յուրաքանչյուրին»,– ասաց Կարենը։

Իր հերթին Արմենն ասաց. «Ինչո՞ւ են նման բաներ խոսում, որովհետև ընկեր–ընկերուհի են խաղում։ Հերթական անհեթեթություն, հերթական անիմաստ հոդված։ Նույն հեղինակը կարող է գրել, որ ինչ–որ տղա դերասան մյուս տղայի հետ է, ուրեմն պետք է հավատա՞լ»։

Ինչ վերաբերվում է մեղադրանքին, թե ինքն նախաձեռնել այդ լուրերի տարածումը` նախագծի ռեյթինգն ապահովոլու համար, Մենչը նշեց, որ ոչ դրա ժամանակն ունի, ոչ էլ տրամադրությունը։ «Քրիստինային ես եմ դերը տվել, Կարենին ևս ես եմ հրավիրել ֆիլմում նկարահանվելու։ Բացի ինձանից ոչ ոք չի որոշում այս ֆիլմում ով նկարվի, ոչ ոք ինձ չի խնդրում ինչ–որ բան, եթե խնդրում էլ է, դա չի լինում։ Ի սկզբանե, երբ որոշվել է նկարահանել այս ֆիլմը, առաջին մարդը, որի թեկնածությունը հաստատ է եղել, Քրիստինան էր։ Այստեղից կարելի է հետևություն անել, որ այդ հոդված գրողը ոչ մի բանից չհասկացող պարապ անձնավորություն է»,– եզրափակեց Արմենը։