«Այս հարաբերությունները մի անգամ չէ, որ կոտրել են սիրտս». Սելենա Գոմես–Ջասթին Բիբեր զույգի բոլոր բաժանումներն ու հաշտությունները

14:44 • 09.11.17

Շոուբիզնես

Tert.am Life–ն իր ընթերցողներին հայտնել է, որ Սելենա Գոմեսն ու Ջասթին Բիբերը կրկին միասին են։ Շատ երկրպագուների է ուրախացրել այն փաստը, որ 23-ամյա Սելենան և 25–ամյա Ջասթինը որոշել են ևս մեկ հնարավորություն տալ միմյանց, քանի որ նրանք համարվում էին ամենագեղեցիկ աստղային զույգերից մեկը։

Երկարատև բաժանումն առաջինը չէր զույգի համար, թեև ամենաերկարն էր։ Ավելի վաղ, խոսելով իրենց հարաբերությունների մասին, Սելենան նշել է. «Ես էլ, նա էլ անհաջող որոշումներ շատ ենք կայացրել, սակայն դրանից մենք միայն ավելի լավն ենք դարձել»։

Ջասթինն իր հերթին նշել է, որ միասին հեշտ չէ, սակայն իրենք շատ են սիրում իրար։ «Այս հարաբերությունները մի անգամ չէ, որ կոտրել են սիրտս, սակայն մենք երջանիկ ենք»,– ասել է երգիչը։

Spletnik–ը ներկայացնում է, թե քանի անգամ են նրանք բաժանվել, բայց անկախ ամեն ինչից վերադարձել միմյանց մոտ։

Զույգի հարաբերությունները սկսվել են 2010 թվականից, երբ Ջասթինը դեռ 16 տարեկան էր, Սելենան` 18։ Սկզբում Սելենան հերքում էր, որ իրենք միասին են։ Նա նշում էր, որ Ջասթինն իր համար եղբոր պես է։

2011 թվականին զույգը սկսեց պաշտոնապես հանդիպել։

Իր հարցազրույցներից մեկում Ջասթինն ասել է. «Սելենան ասում էր, որ ինձ եղբոր պես է ընդունում։ Դա անհարմար էր։ Ես շատ երջանիկ եմ իր կողքին։ Նա իսկական նվեր է, իմ հրաշքը»։

2012–ի նոյեմբերին զույգը բաժանվեց, սակայն կարճ ժամանակ անց փորձեց հարթել տարաձայնությունները, նույն թվականին նրանք արդեն միասին էին։

2013–ին Սելենան ու Ջասթինը կրկին բաժանվեցին։

1 տարի անց` 2014–ին, զույգը կրկին միասին էր, սակայն նրանց բուռն սերն այս անգամ էլ մի քանի ամսվա կյանք ունեցավ ու կրկին բաժանում։

Մինչև վերջերս Սելենան և Բիբերը հանդիպում էին այլ մարդկանց հետ, սակայն այս ամիս զույգին կրկին միասին են տեսել։ Մոտ 3 տարվա դադարից հետո նրանք որոշել են նոր հնարավորություն տալ միմյանց ու երջանիկ տեսք ունեն։ Ինչպես երևում է, նրանք չեն կարողանում մոռանալ իրար։