Միհրան Ծառուկյանի նոր տեսահոլովակի հերոսուհին Արփի Գաբրիելյանն է

12:36 • 31.12.17

Շոուբիզնես

«Ֆուլ հաուս» սիթքոմը 7–րդ եթերաշրջանով ազդարարում է իր ավարտը։ Սիթքոմի ստեղծագործական թիմը չի խախտում ավանդույթները` նախագծի ավարտին ներկայացնելով տեսահոլովակի պրեմիերա։ Միհրան Ծառուկյանի նոր տեսահոլովակը նկարահանվել է «Սիրահարվել եմ» երգի հիման վրա։

Երգիչը Tert.am Life–ին է տրամադրել լուսանկարներ իր նոր տեսահոլովակի նկարահանման հրապարակից և պատմել ոչ միայն նոր աշխատանքի, այլև երկար տարիների ընդմիջումից հետո Ամանորն ընտանիքի հետ դիմավորելու որոշման մասին։

Նոր երգի երաժշտության հեղինակը Ռիչարդ Մադլենյանն է, խոսքերը գրել է Գրիգոր Կյոկչյանը, գործիքավորումն արել է Մարտին Միրզոյանը, տեսահոլովակի ռեժիսորը Կարեն Ամյանն է, պրոդյուսերը` Արմեն Պետրոսյանը։ Տեսահոլովակում նկարահանվել է Արփի Գաբրիելյանը։ Այն ուղիղ կապ ունի «Ֆուլ հաուսի» սյուժետային գծի և Արսեն–լիկա հարաբերությունների հետ։

Նախորդ տարի Ամանորին Միհրանը ներկայացրեց «Գնա, գնա» երգի տեսահոլովակը, որի դիտումները ռեկորդային էին երգչի համար։ Երգիչը չցանկացավ խոսել «Սիրահարվել եմ» երգից սպասելիքների մասին, քանի որ ամեն անգամ նոր աշխատանք ներկայացնելիս ինքն էլ է սպասում, թե ինչ արձագանք կլինի։«Ես ոչ մի երգից չունեմ հատուկ սպասելիքներ։ «Գնա, գնա»–ից էլ չեմ ունեցել։ Տա Աստված, այս երգն էլ հաջողություն ունենա։ Չեմ սիրում նախապես գնահատել։ Աշխատանք ենք արել, որը հասարակության մի մասին կարող է դուր գալ, մյուս մասին` ոչ»,– ասաց նա։

Այս տարի Ամանորը Միհրանի համար մասամբ է աշխատանքային լինելու։ Երկար տարիների ընդմիջումից հետո երգիչը Նոր տարին դիմավորեու է տանը` ընտանիքի անդամների հետ։ «Եզակի դեպք է, երբ Ամանորի գիշերը` 12–ին տանն եմ լինելու։ Երկար տարիներ աշխատանքի մեջ եմ եղել այս տոնին։ Աս տարի շատ էի ուզում լինել ընտանիքիս կողքին։ Ժամը 1–ից հետո արդեն կգնամ աշխատելու»,– նշեց երգիչը։