«Անհամբեր սպասում էի 30-ամյակիս». Յանա Դանիելյանը՝ տարեդարձի, Սուրենի և դստեր անակնկալի մասին

12:10 • 04.07.18

Շոուբիզնես

Հաղորդավարուհի Յանա Դանիելյանը երեկ նշել է ծննդյան 30-ամյակը: Յանան Tert.am Life-ին պատմել է ամուսնու և դստեր մատուցած անակնկալի ու նրանց հետ անցկացրած տոնական գեղեցիկ օրվա մասին:

Հաղորդավարուհին ասաց, որ տոնական օրերը շատ է սիրում: Դրանց շարքում իրենց ուրույն տեղն ունեն ինչպես իր ծննդյան, այնպես էլ դստեր ու ամուսնու տարեդարձի օրերը: Առաջին շնորհավորանքը Յանան ստացել է կեսգիշերին ամուսնու կողմից. «Սուրենը կեսգիշերին տորթով և ծաղիկներով ինձ շնորհավորեց, իսկ կեսգիշերն անց սկսեսուրս եկավ մեր տուն անկանկալով: Հետո արդեն սկսեցի բազմաթիվ շնորհավորանքներ ստանալ»:

Յանան ասաց, որ ամուսնու կողմից նվերները շատ են եղել ու մինչ այսօր էլ շարունակվում են: Հաղորդավարուհուն հատկապես տպավորել է Սուրենի ու դստեր՝ Ադելի, մատուցած անակնկալը:

«Մինչ ես աշխատանքի էի, Սուրենը և աղջիկս գնացել էին ինձ համար նվեր ընտրելու: Երբ վերադարձա, տեսա, որ տունը գեղեցիկ զարդարել են և նվերս պատրաստած՝ ինձ են սպասում: Ադելը իր ձեռքով բացիկ էլ էր պատրաստել ու շնորհավորանք էր գրել: Այս տարի նա առաջին անգամ հասուն կերպով, հասկանալով՝ ինձ համար նվեր էր ընտրել իր ճաշակով՝ հագուստ և աքսեսուարներ»,-ասաց նա:

Ծննդյան օրվա առաջին հատվածը հաղորդավարուհու համար աշխատանքային է եղել: Յանան նշեց, որ ի տարբերություն նախորդ տարիների, այս տարի տարեդարձը նախընտրել է նշել ավելի հանգիստ միջավայրում ամուսնու և դստեր հետ:

«Եղել են տարիներ, ինչպես օրինակ անցյալ տարի, որ մեծ խնջույք եմ կազմակերպել, բայց այս տարի որևէ հատուկ բան չէինք պլանավորել: Դա երևի տարիքի հետ է կապված: Որքան մեծանում ես, հասկանում ես, որ ավելի շատ ուզում ես հանգիստ և ծանրակշիռ մթնոլորտում լինել, ակումբային ձևաչափն արդեն հետ է մղվում: Երեկ շատ զբոսնել ենք, տարբեր վայրեր ենք գնացել, իսկ օրվա ավարտին ռեստորաններից մեկում ընտանիքով նշեցինք տարեդարձս: Բավականին հետաքրքիր անցավ»,-ասաց նա:

Հաղորդավարուհին նշեց, որ 30-ամյակի անհամբեր սպասել է: Նրա խոսքով տարիքի ավելացումը իրեն երբեք տխրելու առիթ չի տվել, ճիշտ հակառակը: Յանայի խոսքով ամեն տարիքում իր համար բազմաթիվ բացահայտումներ է արել տարբեր ուղղություններով:

«Անչափ ուրախ եմ, նույնիսկ երջանիկ եմ, որ վերջապես հասա 30 թվին և տարիքս 3-ով է սկսելու՝ 2-ը այդքան էլ չէի սիրում :): Ես այսպես եմ կարծում, որ վերջապես ավարտվեց իմ մանկությունը և հիմա ես սկսում եմ իմ կյանքը լրիվ նոր էջից ու նոր շնչով: Ես չեմ զգում, որ տարիքի ավելացման հետ թուլանում եմ, այլ հակառակը՝ ավելի ուժեղանում եմ բոլոր առումներով: Դեռ շատ հետաքրքիր ճանապարհ ունեմ անցնելու և այն, ինչ ինձ սպասվում է, այս տարիքում ավելի ծանրաշկիռ, չափված ու ճիշտ կանցնեմ»,-ասաց Յանան:

Նրա խոսքով կյանքի այս տարիներին բազմաթիվ ձեռքբերումներ է ունեցել, որոնցից ամենակարևորը ընտանիք կազմելն ու դուստր ունենալն է եղել. «Ամենամեծ ձեռքբերումս իմ աղջիկն է, ամուսինս ու ամուր ընտանիքս: Հպարտ եմ իմ ընտանիքով: Նրանց շատ սիրում եմ: Իրենք մեծ ուժ են տալիս ինձ թե՛ ապրելու, թե՛ աշխատելու ու արարելու համար»: