«20 տարեկանից ունեմ իմ բիզնեսը». «Միսս տիեզերքի» Հայաստանի ներկայացուցիչ Էլիզա Մուրադյան

17:35 • 05.07.18

Շոուբիզնես

Tert.am Life–ն իր ընթերցողներին հայտնել է, որ «Միսս հայուհի» գեղեցկության մրցույթի առաջին փուլում հաղթող ճանաչվեց 25-ամյա Էլիզա Մուրադյանը, որը Հայաստանը կներկայացնի «Միսս տիեզերք» գեղեցկության մրցույթում։

Թագադրվելուց րոպեներ անց Էլիզան հարցազրույց տվեց Tert.am Life–ին ու ասաց, որ ժամանակ չի կորցնելու, անմիջապես սկսելու է նախապատրաստվել «Միսս տիեզերքին»։

«Զգացողություններս աննկարաագրելի են։ Շատ հուզված ու տպավորված եմ։ Շատ էի ուզում լսել իմ անունը, թեև հասկանում էի, որ հնարավոր է այդպես չլինի,– ասաց նա ու հավելեց, որ չի տխրում, որ չի կարող պայքարել «Միսս հայուհու» հիմնական մրցույթին և «Միսս Աշխարհում» ներկայանալու հնարավորության համար,– Իհարկե, երկու մրցույթն էլ շատ կարևոր են, սակայն մանկուց երազել եմ «Միսս Տիեզերքի» մասին։ Այս մրցույթում ամենակարևորը գեղեցկությունը, լավ կազմվածքն ու բարությունն է, քանի որ «Միսս տիեզերքը» նաև բարի կամքի դեսպան է»։

Էլիզայից հետաքրքրվեցինք, թե ով էր իր ամենալուրջ մրցակից է, ում է տեսնում «Միսս հայուհու» հաղթողի կարգավիճակում. «Հաջողություն եմ մաղթում մյուս աղջիկներին։ Շատ գեղեցիկ աղջիներ ունենք, որոնք արժանի են հաղթանակի։ Ես ունեմ իմ ֆավորիտը, բայց չեմ բարձրաձայնի իր անունը։ Իմ ֆավորիտն ընդգրկված էր այսօրվա հնգյակում, հուսով եմ, հուլիսի 8-ին հաջողություն կունենա»։

Էլիզան ավարտել է բժշկական համալսարանը, սակայն զբաղվում է բիզնեսով։ Ասում է, բիզնեսով զբաղվել սկսել է դեռ 20 տարեկանից։ «Ես ունեմ երեկոյան զգեստների վարձույթի սրահ, որտեղ ամբողջ աշխարհի տարբեր բրենդների զգեստներ են ներկայացված։ Մոդելինգով առանձնապես չեմ զբաղվել»,– ասաց նա։

Էլիզայի խոսքով` պատրատ է քննադատությունների կապված իր անձի ու արտանքինի հետ. «Ես պատրաստ եմ թե՛ լավ, թե՛ վատ քննարկումներին, որովհետև վստահ եմ իմ ուժերին»։