«Битва Талантов» հեռուստանախագծի մասնակից Լիանա Անդրեասյանը ուժերը կփորձի «Դեպի մանկական Եվրատեսիլ»-ում

Tert.am Life-ը շարունակում է իր ընթերցողներին ներկայացնել «Դեպի մանկական Եվրատեսիլ» նախագծի մասնակիցներին: Ինչպես հայտնի է, նախագծի հաղթողը կներկայացնի Հայաստանը  նոյեմբերի 25-ին Մինսկում կայանալիք «Մանկական Եվրատեսիլ» մրցույթում: 23 մասնակցի շարքում է 13-ամյա Լիանա Անդրեասյանը: Նրան շատերը կհիշեն ռուսական «Битва Талантов» հեռուստատեսային նախագծից, որը կազմակերպվում է Իգոր Կրուտոյի երաժշտական ակադեմիայի կողմից:

Լիանան Tert.am Life-ի հետ զրույցում պատմել է, թե ինչ երգով է ներկայանալու  «Դեպի մանկական Եվրատեսիլ» նախագծին, խոսել մրցույթին նախապատարստվելու և իր սպասելիքների մասին:

Լիանան ծնվել է Հայաստանում, սակայն 7 տարեկանից տեղափոխվել ու մինչ օրս բնակվում է Մոսկվայում: Այնտեղ նա հաճախում է հանրկրթական դպրոց, փոխադրվել է 7-րդ դասարան: Նա նպատմեց, որ երգել սկսել է 10-ը տարեկանից: Արդեն երկու տարի է հաճախում է Տոլմաչով քույրերի երաժշտական ստուդիան:  Վոկալից բացի, Լիանան տիրապետում է նաև երկու երաժշտական գործիքի՝ դաշնամուրի և կիթառի: Նա նշեց, որ արդեն մեկ ամիս է Հայաստանում է և ակտիվ նախապատրաստվում է «Դեպի մանկական Եվրատեսիլ» նախագծին. «Ես երբևէ առիթը բաց չեմ թողել հետևելու «Մանկական Եվրատեսիլ» մրցույթին: Փոքր տարիքից շատ եմ սիրել այս մրցույթը և միշտ երազել եմ մասնակցել: Որոշեցի այս անգամ փորձել իմ ուժերը»:

Երգչուհին արդեն հասցրել է մասնակցել և հաջողություններ գրանցել միջազգային մի քանի մրցույթներում: Նախորդ տարի Լիանան մասնակցել և հաղթահարել է МУЗ-ТВ հեռուստաընկերությամբ հեռարձակվող «Битва Талантов» երաժշտական նախագծի երկու փուլերը: Նախագծի 1500 մասնակիցներից 73-ի կազմում է ընդգրկվել: Նա մասնակցել է նաև Սոչիում անցկացվող  «Дети России» միջազգային մրցույթ- փառատոնին: Արժանացել է երեք գրան պրի մրցանակի տարբեր մրցույթներից:

«Դեպի մանկական Եվրատեսիլ» նախագծում Լիանան կներկայանա «Կամաց-կամաց» երգով, որի հեղինակը Նիկ Էգիբյանն է: Լիանայի խոսքով, պարային և ռիթմիկ երգ է, որին համապատասխան Վիկա Մարտիրոսյանը պար է բեմադրել: Լիանայի հետ բեմում կլինի 4 պարուհի: Երգչուհու բեմական կերպարը մտածել և իրագործել է մայրիկը. «Մայրիկս մշտապես զբաղվում է իմ բեմական կերպարներով: Նրա կարծիքն ինձ համար ամենակարևորն է: Ընդհանարպես նա շատ քննադատաբար է մոտենում իմ ելույթներին: Միշտ ասում ՝ ինչն է սխալ: Ինձ գովել չի սիրում:)»:

Լիանան նշեց, որ այս շրջանում բավականին զբաղված է նախապատրաստական փորձերով, ամեն օր հաճախում է վոկալի և պարի դասընթացների: «Շնչառության և վոկալի մասով ինձ հետ պարապում է երգչուհի Մաշա Մնջոյանը: Նրա հետ ծանոթացել եմ հենց նախագծին պատրաստավելու ընթացքում: Ես միշտ ցանկացել եմ Մաշայի նման երգել: Շատ հետաքրքիր են անցնում մեր փորձերը: Ամեն դասից հետո զգում եմ, որ ավելի լավ է ստացվում ելույթս»,-ասաց Լինանան և ավելացրեց, որ իր հետ աշխատող բոլոր մասնագետների խորհուրդը մեկն է՝ բեմում հնարավորինս ուրախ ներկայանալ:

Խոսելով նախագծից իր ակնկալիքների մասին՝ Լիանան նշեց. «Չեմ ուզում ժամանակից առաջ ընկնել, պարզապես կասեմ, որ պատրաստվում եմ լավագույնս հանդս գալ: Ինձ համար կարևոր է ոչ այնքան հաղթանակը, որքան լավ ելույթ ունենալը»,-եզրափակեց նա: