«Տարիներ առաջ Գոհարն ինձ մոտ էր եկել որպես հաճախորդ». Վարսահարդար-ոճաբան Անի Ավդալյանը՝ Գոհար Ավետիսյանի հետ աշխատանքային և ընկերական հարաբերությունների մասին

Տարիներ  շարունակ հայկական շոու բիզնեսի հայտնի դեմքերի գեղեցիկ տեսքն ապահովող վարսահարդար-ոճաբան  Անի Ավդալյանը և ռուսաստանաբնակ հայազգի հայտնի դիմահարդար Գոհար Ավետիսյանը բացի գործընկերային հարաբերությունները հասցրել են նաև ընկերանալ: Նրանց ծանոթությունը հաստատվել է դեռ տարիներ առաջ, իսկ այս ընթացքում ամրապնդվել է ընկերությամբ: Tert.am Life-ի հետ զրույցում Անին պատմել է Գոհարի հետ ծանոթության, գործընկերային հարաբերությունների և վերջերս նրա՝ Հայաստան կատարած այցի ժամանակ իրենց հանդիպման մասին:

Անին պատմեց, որ Գոհարի հետ ծանոթացել է շատ տարիներ առաջ, երբ վերջինս հատուկ եկել էր իր սրահի ծառայություններից օգտվելու. «Այդ շրջանում նա և՛ վարսահարդարմամամբ, և՛ դիմահարդարմամաբ էր զբաղվում: Ինձ մոտ գրանցվել էր որպես հաճախորդ: Ես իրեն հարցրի՝ ինչպե՞ս է, որ վարսահարդար լինելով՝ ինքն իրեն սանրվածք չի անում, նա պատասխանեց, որ իմ սարքած վարսերի ձևն է հավանել և ուզում է, որ անպայման ես անեմ»:

Անիի և Գոհարի համագործակցությունն այսքանով չի սահմանափակվել: Ավելի ուշ, Գոհարն իր կյանքի կարևորագույն օրվա համար արտաքին տեսքն ապահովելը, մասնավորապես՝ հարսանեկան սանրվածքը, վստահել է Անիին. «Հարսանիքին ընդառաջ Գոհարը զանգահարեց, ասաց՝ ուզում եմ դու անես սանրվածքս և սիրով ևս մեկ անգամ աշխատեցինք միասին: Վերջերս էլ Մոկսվայում՝ ևս մեկ առիթի շրջանակում, համագործակցություն ունեցանք»:

Սեպտեմբերին՝ Հայաստան կատարած այցի ժամանակ, Գոհար Ավետիսյանը վարպետության դասընթացներ անցկացրեց ոլորտի հայ մասնագետների շրջանում: Հագեցած աշխատանքային գրաֆիկը, սակայն, նրան չի խանգարել հյուրընկալվել «Անի Ավդալյան» իմիջ կենտրոնում: «Մենք շատ ջերմ հանդիպում և շփում ունեցանք: Գոհարը նկարահանեց մեր սրահը, վիդեոհոլովակներ տեղադրեց իր ինստագրամյան էջում: Լուսաբանեց մեր գործունեությունը և ասաց, որ ինձ համարում է Հայաստանում և ընդհանրապես աշխարհում լավագույն վարսահարդարը»,-ասաց Անին:

Խոսելով շոու բիզնեսի ներկայացուցիչների հետ աշխատանքի մասին՝ Անին նկատեց, որ շատ արտիստների համար իր ստեղծած սանրվածքներն ու ոճային կերպարները առ այսօր հիշվում են և շատ հաճախորդներ էլ ցանկանում են ստանալ հայտնի մարդկանց ճիշտ նույն սանրվածքներից:

«Արտիստների յուրաքանչյուր ոճային փոփոխություն շատ արագ տարածում է ունենում և շատերն են ցանկանում նույն սանրվածքից փորձել: Սիրուշոյի ալիքաձև վարսերը, որը մենք ստացել էինք եվրատեսիլյան շրջանում, մինչ այսօր ակտուալ են: Նա ինձ էր վստահել նաև իր հարսանեկան սանրվածքը»:

Անին առանձնացրեց նաև Լիլիթ Հովհաննիսյանի հետ համագործակցությունը։ Նա նշեց, որ Լիլիթի սանրվածքները շատ են սիրվում թե՛ Հայաստանում, թե՛ Հայաստանի սահմաններից դուրս և նկատեց, որ երգչուհու հետ իրենց համագործակցությունը երկար տարիների պատմություն ունի։

Իրենց հարսանեկան սանրվածքներն Անիին են վստահել նաև Անահիտ Սիմոնյանը, Լուսինան և շատ այլ երգչուհիներ։ «Այն ժամանակ շատ լրագրողներ ինձ զանգում ասում էին՝ դուք անվճա՞ր եք սպասարկում հայտնիներին, որ շոու-բիզնեսի բոլոր աստղերը գալիս են ձեզ մոտ: Իրականում իմ սրահը գտնվում էր Էրեբունիում, բայց նրանք չէին զլանում, գալիս, հասնում էին այնտեղ: Բոլոր գործերը մեկը մյուսից տարբեր են եղել, բայց շատ են տպավորվել մարդկանց մոտ: Նույնիսկ ինձ անծանոթ շատ աղջիկներ մինչ օրս առանց նախնական փորձելու, ինձ վստահում են իրենց հարսանեկան սանրվածնքերը»,-ասաց նա:

Անին նկատեց, որ շատ հաճախ է լինում, երբ այս կամ այն արտիստը ցանկանում է մի սանրվածք, որը նրա մասնագիտական աչքով տեղին չէ: Վերջնական արդյունքը ստանում են համատեղ քննարկումից հետո։ «Բոլորը մտածում են, որ հայտնի մարդկանց հետ աշխատելը դժվար է, բայց իրականում հեշտ է: Երբ մասնագետի մոտ են գալիս, իրենք չեն մտածում միջամտելու մասին: Իհարկե, ես լսում եմ նաև նրանց նախընտորւթյունը, կարծիքը համադրում իմ մասնագիտական կարծիքի հետ և այդպես ստանումե նք վերջնական արդյունքը,-եզրափակեց նա: