«Միմյանց նվերներ անելու համար հատուկ օրերի չենք սպասում». Էրմինա Զախարովան՝ նոր ֆոտոշարքի ու սիրո տոների մասին

Երիտասարդ դերասանուհի Էրմինա Զախարովան նոր ֆոտոշարք ունի, որը տրամադրել է Tert.am Life-ին: Դերասանուհու հետ զրուցել ենք ինչպես նոր ֆոտոշարքի, այնպես էլ սպասվող Սիրո տոների ու սիրելիի հետ հարաբերությունների մասին։

«Ոսկե դպրոցի» ավարտից հետո Էրմինան փոքր-ինչ պասիվ էր և սիրով ընդունել է լուսանկարիչ Johny Core-ի առաջարկը։ «Նկարահանման օրն արթնացանք ու տեսանք, որ ձյուն է եկել: Կարելի է ասել՝  մեր նկարահանումը մի քիչ ձախողվեց, քանի որ պլանավորածից կարճ տևեց, բայց արդյուքնը գոհանող էր»,-ասաց Էրմինան: Էրմինայի խոսքով՝ դերասանի մասնագիտական հմտություններն օգնում են ֆոտոխցիկի հետ աշխատելիս, բայց միայն դա բավարար չէ. «Իմ կարծիքով լուսանկարահանումն ավելի շատ մոդելների համար է, որպես դերասան՝ մեր աշխատանքը հիմնականում տեսախցիկի հետ է»:

Առջևում Սիրո տոներն են։ Պարզվում է` դերասանուհին առանձնակի նշանակություն չի տալիս ոչ Վալենտինը,  ոչ էլ Սուրբ Սարգսի նշելուն: «Ինձ համար դրանք սովորական օրեր են: Ես միայն ծնունդս ու Նոր տարին եմ նշում:)»,-ասաց նա:

Էրմինան կարծում է, որ միմյանց սեր խոստովանելու կամ որևէ գեղեցիկ վայր գնալու համար պետք չէ հատուկ սպասել այդ օրվան։ Դերասանուհին իրեն կիսով չափ է ռոմանտիկ մարդ համարում, անակնկալների սիրահար չէ: Նա համոզված է`սերը կյանքի շարժիչ ուժն է, իսկ ուշադրությունը սիրելիի նկատմամբ պետք է լինի ամբողջ տարվա ընթացքում. «Ինձ համար տարօրինակ է, որ զույգերն հատուկ պատրաստվում են այդ տոներին: Կարծում եմ՝ ամեն օրն էլ կարելի է օգտագործել գեղեցիկ մի վայր գնալու համար,- ասաց դերասանուհին և ավելացրեց, որ ինքն ու ընկերն այդ հարցում համակարծիք են,- Միմյանց նվերներ անելու համար էլ մենք հատուկ օրերի չենք սպասում»: 

Էրմինայի ու ընկերոջ համար ժամանցի ամենից սիրելի տարբերակը ֆիլմեր դիտելն է: «Շատ ենք սիրում գնալ կինոթատրոն, մասնագիտական առումով էլ մեզ հետաքրքիր է հետևել կինոաշխարհի նորություններին: Ֆիլմ դիտելուց հետո պարտադիր քննարկումներ ենք ունենում, փորձում ենք վերլուծել, օրինակն այս կամ այն ֆիլմն արժանի՞ է «Օսկարի»»,- պատմեց նա:

Էրմինան կարևորում է սիրո դրսևորումը թե՛ բառերով, թե՛ գործողություններով։ «Պետք է բառերդ ու գործողություններդ միշտ իրար համապատասխանեն: Միայն օդում ասված բառեր չլինեն»,– ասաց դերասանուհին:  

Լուսանկարները՝ Johny Core-ի