Նաչալովան հիվանդության տարբեր տարբերակներ է պատմել հարզատներին` խուսափելով ճշմարտությունից. բացահայտումներ «Пусть говорят»–ում

Երգչուհի Յուլյա Նաչալովայի հուղարկավորության օրը ռուսական «Առաջին ալիքով» հեռարձակվող «Пусть говорят» հաղորդման շրջանակում Դմիտրի Բորիսովն ու հաղորդման հյուրերը փորձում էին հասկանել, թե ինչից է մահացել սիրված երգչուհին։ Քանի որ Նաչալովայի ախտորոշումներն օր օրի ավելանում են, դժվար է հասկանալ, թե որոնք են ճշմարիտ։

Այսօր արդեն պարզ է դարձել, որ Նաչալովայի ոտքին վերք կար, որը չէր ապաքինվում արյան մեջ շաքարի բարձր պարունակության հետևանքով։ Վերքի պատճառով երչուհու օրգանիզմում սեփսիս էր հասունացել,  բժիշկները հորդորել են դիմել անդամահատության, ինչին Նաչալովան կտրականապես դեմ էր։

Հաղորդման ընթացքում հնչեցին նաև այլ վարկածներ, օրինակ, «Վերջին հերոսը» հաղորդման անեծքը, լիմֆոմա հիվանդությունն ու, նույնիսկ, նիհարելու համար չինական դեղամիջոցներ օգտագործելը։ Վերջին վարկածի մասին խոսել է Իրինա Նազարովա անունով մի կին, որը հայտնել է, որ երգչուհին պարբերաբար այցելում էր իրենց կենտրոն և գնում մեծ քանակությամբ չինական դեղեր` առանց հասկանալու, թե ինչի համար են դրանք նախատեսված։

Երգչուհու հիվանդության մասին պատմել է նրա աշակերտը` Եգոր Իվաշենկոն, սակայն նա պնդել է, որ իրենց վերջին խոսակցության ժամանակ քաղցկեղն արդեն հաղթահարված էր և երգչուհին իրեն լավ էր զգում։

Լսելով բոլոր այս պատմությունները` հաղորդման հյուրերը հանգել են եզրահանգման, որ Նաչալովան հիվանդության տարբեր տարբերակներ է պատմել իր հարզատներին` խուսափելով ճշմարտությունից։

Թողարկման ժամանակ շրջանառվել է նաև ալկոհոլային կախվածության վարկածը, սակայն սրան կտրուկ հակադարձել են թե՛ Յուլյայի ընկերները, թե՛ բժիշկները, այնուամենայնիվ, Յուլյայի բուժող բժիշկն իրականում նարկոլոգ է։

Հաղրդավարի հարցին, թե ինչու է երգչուհուն բուժել հենց այդ ուղղվածությամբ բժիշկը, կլինիկայի տնօրենը`Մարիա Ֆրոլովան, պատախանել է, որ նարկոլոգը նաև կլինիկայի գլխավոր բժիշկն է և ընդամենը հսկել է բուժման գործընթացը։ Ըստ Ֆրոլովայի` Նաչալովայի հիմնական խնդիրը հիվանդ երիկամներն էին, որոնց պատճառով անհնար էր երգչուհում բուժել արդյունավետ մեթոդներով։

Երգչուհու հոգեբանը` Անետա Օրլովան, նշել է, որ հենց երիկամների հիվանդությունն է ստիպել երգչուհուն ստել հարազատներին, քանի որ վերջինս չի ցանկացել, որ հարազատները մտածեն, թե ինքն առողջական լուրջ խնդիր ունի։

Ըստ բժշկական եզրակացության` մահվան պատճառ է դարձել արյան վարակը։