«Սիրել և սիրում եմ Սելենա Գոմեսին, բայց Հեյլին լավագույնն է, որ երբևէ պատահել է ինձ». Ջասթին Բիբերի խոստովանությունը

14:01 • 27.03.19

Շոուբիզնես

Չնայած լուրերին, որ Ջասթին Բիբերը վատ հոգեբանական վիճակում է, աշխարհահռչակ երգիչը պարզապես «ոչնչացրել» է օգտատերերից մեկին, քանի որ վերջինս չէր իր և Հեյլի Բոլդուինի իրական սիրուն:

Վերջին շրջանում Ինստագրամի օգտատերերը պարբերաբար գրառումներ են անում այն մասին, որ Ջասթին Բիբերն իրականում սիրում է Սելենա Գոմեսին և Հեյլիի հետ շփվում է Սելենային հետ բերելու համար: Նմանատիպ գրառումներից մեկում ասվում է, Հեյլի Բոլդուինը ռասիստ է և մարդկանց հետ շփվում է հայտնություն ձեռք բերելու համար:

Ինչպես նշում է Cosmopolitan պարբերականը, մեկնաբանությունը շատ է զայրացրել Ջասթին Բիբերին, որը պատասխանել է հեղինական` վերջինիս անվանելու թերզարգացած և անդաստիարակ:

Իր գրառմամբ Բիբերը հաստատել է, որ սիրել ու սիրում է Սելենա Գոմեսին, քանի որ վերջինս իր առաջին իրական սերն է եղել։

«Ես սիրել ու սիրում եմ Սելենային, նա միշտ իր տեղը կունենա իմ սրտում, բայց ես մինչև ականջներիս ծայրը սիրահարված եմ իմ կնոջը։ Նա իսկապես լավագույն բանն է, որ երբևէ պատահել է ինձ:

Այն փաստը, որ դու ցանկանում ես անցկացնել օրդ` ինքդ քեզ նվիրելով ատելությանը, շատ բան է ասում քո մասին։ Եթե սա հիվանդագին խաղ էր իմ ուշադրությանն արժանանալու համար, ապա դու ամեն ինչ մի քանի մակարդակով սխալ ես հասկանում: Ես շատ մարդիկ եմ տեսել, որ նման բաներ են ասում և այլևս երբեք չեմ պատասխանի նման գրառումներին, քանի որ չեմ ուզում իմ էներգիան ծախսել դրա վրա։ Սա պատասխան է բոլոր այն թերզարգացած ու հիվանդ մարդկանց, ովքեր Հեյլիին նամակներ են ուղարկում՝ գրելով որ ես միշտ վերադառնում են Սելենայի մոտ կամ Սելենան ավելի լավն է ինձ համար: Դուք պատկերացում չունեք իմ կյանքի մասին և այն մասին, թե ինչն է ինձ համար ավելի լավ: Հեյլին իմ կինն է և եթե դու չես հավանում կամ սատարում դա, դա նշանակում է, որ դու չես սատարում ինձ։ Եթե չես սատարում ինձ, դու ոչ երկրպագու ես, ոչ էլ լավ մարդ: Եթե քեզ ճիշտ դաստիարակած լինեին, ծնողներդ ասած կլինեին, որ եթե որևէ լավ բան չունես ասոլու, ոչինչ մի ասա»,– գրել է Բիբերը և հորդորել այլևս նման պնդումներով չանհանգստացնել իրեն և կնոջը: