Կոնստանտին Օրբելյանը և ևս 11 տղամարդ. Ալլա Պուգաչովայի սիրավեպերը հայտնի տղամարդկանց հետ և բաժանությունների պատճառները

Այսօր Ալլա Պուգաչովան տոնում է 70-րդ տարեդարձը: Երգչուհու երգերը հայտնի են բոլորին, նրա սիրավեպերը հաճախ են հայտնվել քննարկաման կենտրոնում, սակայն շատ քչերը գիտեն երգչուհու սիրավեպերի լրիվ պատմությունը:

Ընդհանուր առմամբ` Պուգաչովան 5 անգամ է ամուսնացել, սակայն նրա սիրավեպերի քանակը շատ ավելի շատ է, քան ամուսնությունների թիվը: Spletnik-ը պատրաստել է երգչուհու ռոմանտիկ հարաբերությունների լիարժեք պատմությունը։

Հերման Սոլովյով

Պուգաչովային առաջին սիրավեպը եղել է Տիեզերագնացությաւն գումարտակի մայոր Հերման Սոլովյովի հետ, ով կարողացել է գերել 17-ամյա երգչուհու սիրտը: Ալլան նույնիսկ ներկայացրել է Հերմանին իր ծնողներին, սակայն մայորը ընտանիք ուներ և չէր ցանկանում քանդել ընտանիքը՝ նոր սիրավեպի պատճառով: Պուգաչովան և Սոլովյովը լավ ընկերներ են մնացել: Մայորը մահացել է 13 տարի առաջ. Պուգաչովան ներկա է գտնվել նրա հուղարկավորության արարողությանը:

Վալերի Ռոմանով

Վալերի Ռոմանովը պետական համալսարանի Լեզվաբանական ֆակուլտետի ուսանող էր: Լեզուների իմացության պատճառով նրան որպես թարգմանիչ ուղարկել էին արբա-իսրայելյան պատերազմի ռազմաճակատ: Մինչև մեկնելը Վալերին առաջարկություն է արել Պուգաչովային, սակայն երգչուհին մերժել է՝ խոստանալով սպասել Ռոմանովի վերադարձին: Իրականությունը, սակայն, այնքան էլ հեքիաթային չէր, քանի որ Պուգաչովան այլ տղամարդու հետ ամուսանացավ:

Միկոլաս Օրբակաս

Առաջին անգամ Պուգաչովան ամուսնացավ 20 տարեկանում: Նրա ամուսինը լիտվացի երգիչ Միկոլաս Պրբակասն էր: Երգիչները ծանոթացել էին համերգային ծրագրի լսումների ժամանակ և շատ արագ սիրահարվել: Կարճ ժամանակում նրանք որոշեցին ամուսնանալ: Ալլայի և Միկոլասի համատեղ ամուսնությունը գոյատևեց 4 տարի: Երգիչները բաժանվեցին հեռավորության փորձությունը չհաղթահարելու պատճառով: Միկոլասի խոսքով` նրանք հաշտ են բաժանվել և Պուգաչովան երբեք չի խանգարել իրենց դստեր հետ Միկոլոսի հանդիպումներին:

Պավել Սլոբոդկին

Սլոբոդկինը եղել է այն խմբի ղեկավարը, որի միջոցով Ալլան հայտնի է դարձել: Նրանք հարաբերությունները եղել են երգչուհու առաջին երկու ամուսնությունների միջակայքում, սակայն քանդվել են, քանի որ Պավելը չի կարողացել հաղթահարել երգչուհու բուռն բնավորությունը: Ըստ որոշ լուրերի` Պավելը նույնիսկ հարվածել է Ալլային, ինչից հետո երգչուհին հեռացել է նրանից:

Կոնստանտին Օրբելյան

Դաշնակահար, կոմոզիտոր և դիրիժոր Օրբելյանը հանդիպել է Պուգաչովային էստրադային մրցույթի ժամանակ և միանգամից հրապուրվել նրանով: Սիրահարվածությունը փոխադարձ է եղել, սակայն զույգի հարաբերությունները երկար չեն գոյատևել, քանի որ Ալլան սիրահարվել է այլ տղամարդու՝ Ալեքսանդր Ստեֆանովիչին: Հետագայում Ալլան Օրբելյանին նվիրված երգ է կատարել, որը կոչվում է «Մաեստրո»:

Ալեքսանդր Ստեֆանովիչ

Ստեֆանովիչի հետ Պուգաչովան ամուսանացել է 1977 թվականին և պահպանել հարաբերությունները մինչև 1980 թվականը: Զույգը ծանոթացել է մի երեկույթի ժամանակ և սկսել գաղտնի հանդիպել, քանի որ երկուսն էլ հարաբերություններ ունեին այլ մարդկանց հետ: Հենց Ստեֆանովիչն է օգնել Ալլային կերտել իր բեմական կերպարն ու յուրահատուկ ոճը: Զույգի բաժանման պատճառը դարձել է «Հոգին» ֆիլմի նկարահանումը, որտեղ Ալլան գլխավոր դերակատարն էր: Նկարահանումների ընթացքում Ալլան այնքան է վիճել բոլորի հետ, որ ողջ նկարահանող խումբը հրաժարվել է աշխատել երգչուհու հետ: Արդյունքում Ալլային ֆիլմի գլխավոր դերում փոխարինել է Սոֆիա Ռոտարուն, իսկ Ստեֆանովիչը բաժանվել է Պուգաչովայից՝ երգչուհու նման պահվածքը դիտարկելով որպես դավաճանություն:

Եվգենի Բոլդին

1985-1993թթ. Պուգաչովան ամուսնացած է եղել իր պրոդյուսերի՝ Եվգենի Բոլդինի հետ: Միասին աշխատելու ընթացքում նրանք  սիրահարվել են, կարճ ժամանակ անց Բոլդինը բաժանվել է կնոջից և ամուսանցել Պուգաչովայի հետ: Մինչև ամուսնությունը զույգը 5 տարի քաղաքացիական ամուսնությամբ է ապրել իրար հետ, ինչից հետո միայն օրինական ուժ է տվել իրենց հարաբերություններին: Հարցազրույցներից մեկի ժամանակ Բորդինը պատմել է, որ Ալլայի համար ընտանիքն արժեք չի եղել, քանի որ երգչուհին միշտ կարևորել է արվեստն ու ստեղծագործ կյանքը:

Վլադիմիր Կուզմին

Պուգաչովան և Կուզմինը կարճատև սիրավեպ են ունեցել: Ալլան ցանկացել է ծանոթանալ ռոք երգչի հետ նրա երգերը լսելուց հետո: Արդյունքում նրանց մոտ սիրավեպ է սկսվել, որն ավարտվել է Կուզմինի՝ Ամերիկայի Միացյալ Նահանգներ մեկնելու պատճառով: Պուգաչովան այդ ընթացքում հասցրել ձայնագրել իր ամենահայտնի զուգերգերից մեկը՝ «Երկու աստղ»-ը:

Սերգեյ Չելոբանով

90-ականների սկզբին ամբողջ Խորհրդային Միությունը քննարկում էր փոփ թագուհու և նախկին բռնցքամարտիկ Սերգեյ Չելոբանովի սիրավեպը: Նրանց հարաբերությունները շահավետ էին Սերգեյի համար, որը բնակարան և ձայնագրման ստուդիա ստացավ: Սակայն նրանց միասնությունը երկար չտևեց, քանի որ Սերգեը թմրանյութեր էր օգտագործում: Հենց այս սիրավեպի ընթացքում էլ Ալլան կարողացավ խուսափել մահից: Իրենից 10 տարի երիտասարդ տղամարդու կողքին մեծ չերևալու համար Ալլան որոշել էր երիտասարդացնող վիրահատություններ կատարել, սակայն արյան վարակում էր ձեռք բերել: Բարեբախտաբար, բժիշկներին հաջողվեց փրկել երգչուհու կյանքը:

Իգոր Տալկով

1991-92 թվականներին Ալլան կարճաժամկետ սիրավեպ է ունեցել Իգոր Տալկովի հետ, ով այդ ժամանակ հանդես էր գալիս Պուգաչովայի երգի թարտրոնում: Նրանց սիրավեպն ընդհատվել է 1992 թվականին, երբ երգչին սպանել են:

Ֆիլիպ Կիրկորով

Պուգաչովայի ամենաաղմկահարույց ամուսությունը Ֆիլիպի հետ էր, որը գոյատևեց 11 տարի: Բոլորին հայտնի է, որ Ֆիլիպը երկար տարիներ պայքարել էր Ալլայի ուշադրությանն արժանանալու համար: Եվ այդպես, 1994 թվականին զույգն անակնկալ կերպով ամուսնացավ Սանկտ Պետերբուրգում: Զույգի անձնագրերը հանձնել է անձամբ Անատոլի Սոլովյովը: Զավեշտալին այն է, որ Պուգաչովային անձնագրում այլևս տեղ չէր մնացել ամուսնության կնիքի համար, այդ իսկ պատճառով էլ կնիքը այլ բաժնում են դրել: Պուգաչովան և Կիրկորովը բաժանվեցին այն պատճառով, որ Ֆիլիպը բավականաչափ ժամանակ և ուշադրություն չէր հատկացնում Ալլային: Ըստ Կիրկորովի` Ալլայի հետ կյանքը շատ բարդ և շատ ուսուցողական է եղել իր համար:

Մաքսիմ Գալկին

2011 թվականի դեկտեմբերին Պուգաչովան ամուսնացավ Մաքսիմ Գալկինի հետ: Նրանք ունեն 2 երեխա, ովքեր լույս աշխարհ են եկել փոխնակ մոր օգնությամբ: Գալկինին և Պուգաչովային ծանոթացրել է Կիրկորովը, ինչից հետո նրանք սկսել են աշխատել միասին: Այս դեպքում Ալլան և Մաքսիմը միանգամից չեն հրապուրվել միմյանցով, սակայն մի քանի ամիս համատեղ աշխատանքի արդյունքում սկսել են համակրել միմյանց: