«Հասկացա, որ ինձ որևէ բան չպետք է կոտրի»․ Սյուզաննա Մելքոնյանը՝ սպասվող նորության ու երաժշտական միջազգային մրցույթում իր մասնակցության մասին

Երգչուհի Սյուզաննա Մելքոնյանն այս օրերին գտնվում է Ռումինիայում։ Երգչուհին այնտեղ այս մասնակցելու է ռումինական երգի միջազգային փառատոնին՝ «The Golden Stag Festival»-ի, որտեղ նախկինում մասնակցել ու հաղթել են Խուլիո Իգլեսիասն ու Քրիստինա Ագիլիերան։   
Մրցութային երկու օրերին ընթացքում մասնակիցները ներկայանալու են նախ ռումինական որևէ հայտնի ստեղծագործությամբ, ապա միջազգային հիթով։

Մինչ գլխավոր փորձի մեկնարկը Tert.am Life-ը զրուցել է Սյուզաննայի հետ։ Վերջինս նշեց, որ ինքն այս մրցույթին մասնակցելու ցանկություն հայտնել է նաև նախորդ տարի, սակայն որպես Հայաստանի պատվիրակ 2018 թվականին ընտրվել է երգչուհի Ամալյա Մարգարյանը։

«Ճակատագրի բերումով, թե պատահականության սկզբունքով՝ «Միջազգային հիթ» խորագրի ժամանակ՝ մրցութային երկրորդ օրը, երգելու եմ Լարա Ֆաբիանի երգացանկից ինձ համար այցեքարտ դարձած Je suis Malade ստեղծագործությունը։ Մենք այդ անվանակարգի համար մի շարք ստեղծագորոծություններ էինք ուղարկել, սա ընտրվեց այդ մեկը»,- ասաց երգչուհին՝ հավելելով, որ փառատոնի նպատակն է իրենց մշակույթի շուրջը հավաքել տարբեր երկրներից մարդկանց։ Ըստ Սյուզիի այստեղ կարևորում են ռումինական երգի կատարումը։  

Երգչուհին խոստովանեց, որ տեղի մթնոլորտն իր համար մի փոքր անսովոր է։ Ըստ Սյուզաննայի այստեղ մարդիկ իրենց էմոցիաները ցուցադրելուց՝ խուսափում են․ «Նման մթնոլորտի մեջ, կարելի է ասել, առաջին անգամն եմ, որը կտրուկ տարբերվում է սլավոնական արվեստից, նրանց մոտեցումներից։ Առաջին օրը ճանապարհորդությունից այնքան էի հոգնել, որ, կոպիտ ասած, ինձ համար ամեն ինչ միևնույնն էր։ Հաջորդ օրը ես բախվեցի մի իրականության, որտեղ մարդիկ բավականին հանգիստ են, անգամ սառը։ Այսնիքն այստեղ որքան էլ նրանց կատարումդ դուր գա, իրենք էմոցիոնալ  տեսանկյունից չեն արձագանքում։ Այս հատվածն ինձ համար նորություն էր՝ հատկապես, որ ինքս էմոցիոնալ, հուզառատ մարդ եմ»։

Երգչուհին արդեն հասցրել է արկածներ ունենալ։ Բանն այն է, որ գումար մանրելու նպատակով քաղաքում քայելել և կորել․ «Արդեն հասցրել եմ քաղաքում կորել, երբ փորձում էի գումար մանրել՝ բոլորն ինձ էին փնտրում և սա իսկապես հիշարժան է, որովհետև անչափ գեղեցիկ քաղաք է և ես ուղղակի միայնակ քայլում էի ։ Չնայած բոլորն անհանգստացել էին, ինձ էին փնտել են, բայց զվարճալի էր»։

Սյուզաննայի խոսքով ինքն այստեղ կարևորում է այն հանգամանքը, որ հնարավորություն ունի աշխատելու նվագախմբի հետ, ավելին, երգչուհին ասաց, որ չնայած էմոցիաներ չարտահայտելուն, ամեն դեպքում, ինքը հասցրել է դրական կարծիքներ և արձագանքներ լսել հենց նվագախմբից։  

Սյուզաննան հեռուստադիտողներին հայտնի դարձավ երաժշտական մի շարք մրցութային նախագծերից։ «Դեպի Եվրատեսիլ» նախագծում երգչուհին կիսաեզրափակչում պայքարեց Արծվիկ Մինասյանի և Մարտա Կիրակոսյանի հետ, սակայն եզրափակչում չհայտվեց, ավելի ուշ Սյուզաննան «Նոր Ալիք» մրցույթում զբաղեցրեց երկրորդ հորիզոնականը։

Երգչուհին նշեց՝ իրեն մրցութային մարդ համարում է և ավելացրեց, որ, ըստ իրեն, մրցութային լինելու համար միայն լավ երգելը դեռ բավական չէ։

«Արդեն մոտ տասը տարի կլինի, ինչ մրցութային թուբոհերի մեջ եմ գտնվում՝ լինի մասշտաբային մրցույթ, փառատոն, թե հեռուստաշոու։ Երբ դեռ բավականին փոքր էի՝ 16 տարեկան, հայտվեցի հեռուստատեսությունում, ինչը շատ բարդ էր այդ տարիքում և ես կոտրվեցի, երկրորդ անգամ ևս կոտրվել եմ, բայց հիմա՝ տարիներ անց, հասկացա, որ ինձ որևէ բան չպետք է կոտրի։ Ինքս ինձ, միանշանակ մրցութային մարդ համարում եմ, քանի որ մրցութային մարդ լինել չի նշանականում միայն ու միայն լավ երգել, պետք է սովորել ոտքերի վրա լինել ամուր կանգած։ Մրցույթի արդյունքները շատ հարաբերական կարող են լինել։ Չնայած ես միշտ էլ տարբեր հորիզոնականներով եմ հայրենիք վերադարձել, բայց նաև հասկացել եմ, որ դա միայն տվյալ պահի կարևորագույն բանն է, որ պետք է ուղղակի քաղել լավ արդյունքները»,- նշեց երգչուհին։

Թե մրցույթիցհետո ինչ նորություններ է պետք սպասել, Սյուզին ասել չցանկացավ՝ նշելով միայն․ «Երկու տարի անընդմեջ ես ամեն օր աշխատում եմ, ելույթներ եմ ունենում և երկու տարվա մրցութային դադարից հետո  ես կրկին մրցութային թոհուբոհի մեջ եմ։ Ներկայումս իսկապես հանգստի կարիք ունեմ։ Չնայած հանդիսատեսն ու հեռուստադիտողները մեզ տեսնում են բեմին՝ գեղեցիկ հագնված, այդ երեք րոպեն, սակայն դրա հետևում կա արված երկար աշխատանք։ Այս անգամ պետք է այնպիսի բան մտածեմ, այնպիսի նորությամբ ներկայանամ, որը ֆուրոր կառաջացնի»։

Նշենք՝ «The Golden Stag Festival»-ը հայերկրպագուները կարող են դիտել ռումինական TVR 1 համացանցային հարթակում։