«Կյանքս գլխիվայր փոխվել է, ես էլ ուրիշների կյանքն եմ փոխել»․ Նաիրա Մովսիսյանի տոնական ֆոտոշարքը, 2019-ի ամփոփումն ու նոր աշխատանքը

Դերասանուհի Նաիրա Մովսիսյանի կյանքում այժմ ստեղծագործական դադար է։ Դերասանուհու խոսքով՝ ժպիտով մերժել է նկարահանման բոլոր առաջարները։ Tert.am Life-ի հետ զրույցում նա ամփոփել է տարին՝ նշելով, որ տարվա լարված ու բարդ մեկնարկին հաջորդել են սպասումներ, որոնք ինքը կարողացել է իրականություն դարձնել և տրամադրել ամանորյա ֆոտոշարքը դստեր հետ։

Նաիրան ասաց որ այս տարի Ամանորը մի փոքր այլ կերպ են դիմավորելու՝ դստեր և մայրիկի հետ պատրաստվում ենք մեկնել Վրաստան։

Ինչ վերաբերում է 2019-ի ընթացքին՝ դերասանուհին ասաց․  «Մոտավոր պատկերացնում էի, որ այս տարին նման ավարտ է ունենալու, բայց մի քիչ ավելին էի սպասում։ Իհարկե, գոհ եմ անցնող տարվանից, որովհետև անչափ հագեցած էր։ Կյանքս գլխիվայր փոխվել է, ես էլ ուրիշների կյանքն եմ փոխել։ Ներքին հանգստություն եմ ձեռք բերել, որովհետև կարողացել եմ օգնել մարդկանց»։

Նաիրան այժմ այլ աշխատանք ունի, թե ինչ բիզնեսով է զբաղվում, որ ոլորտում է աշխատում, բացահայտել չցանկացավ․ «Իսկապես, չեմ կարող ասել, թե ինչ բիզնեսով եմ զբաղվում, մի քանի բառով չեմ կարող ներկայացնել այն։ Հարցը գաղտիության մեջ չէ, պարզապես Հայաստանի համար նոր ոլորտ է, կիսատ ինֆորմացիա տալ չեմ ցանկանում։ Եթե կարճ ասեմ, գուցե մարդիկ ինչ-որ բաներ սխալ ընկալեն, ինչը հետագագայում ազդի իմ աշխատանքի վրա։ կարող եմ միայն ասել, որ համագործակցում եմ արտերկրի մի ընկերության հետ, որը մարդկանց առաջ հնարավորությունների լայն դաշտ է բացում»։

Ըստ Նաիրայի՝ իր կյանքում ևս բացվել է հնարավորությունների լայն դաշտ։ Դերասանուհին  հիմա իրեն այլ կերպարում է պատկերացնում․ «Երբ հրավեր եմ ստանում  մասնակցելու շոուբիզնեսային ինչ-որ իրադարձության, իհարկե, գնում եմ, սակայն ինձ «բիզնեսվումըն»-ի կերպարում եմ զգում և պատկերացնում»։  

Ոլորտի հետ սերտ կապը, ըստ Նաիրայի, պահպանում է, սակայն հեռուստատեսային նախագծերում աշխատելու մասով իր տեսանկյունը հիմնովին փոխվել է․ «Ամենայն անկեղծությամբ եմ ասում, նկարահանվելու առաջարկներս շատ են։ Իհարկե, ես շատ եմ սիրում իմ մասնագիտությունը, կարտոնում եմ, սակայն սպասում եմ հասունանա այն պահը, երբ ես կլինեմ թելադրող կողմ։ Ես պատրաստ չեմ, որ ռեժիսորն ասի, պրոդյուսերն ասի․․․ սա ամբիցիաների հետ կապված հարց չէ, ուղղակի ես ուզում եմ ժամանակս ինքս ղեկավարել։ Երբ մարդն ունի ֆինանս, որը մի քանի անգամ ավելի շատ է, քան կարող էր ստանալ, նա է դառնում թելադրող կողմ։ Ցավոք, դա է իրականությունը»։ 

Գալիք տարվա հետ կապված դերասանուհու ցանկություններն ավելացել են։ Ըստ Նաիրայի՝  դրանցից ամենակարևորը  կապված է դստեր հետ․ «Շատ եմ ցանկանում ավելի շատ ազատ ժամանակ ունենալ, որպեսզի կարողանամ տեսնեմ դստերս մեծանալը, հասունանալը։ Դա ինձ համար մեծ ցանկություն է, որը, վստահ եմ, կկարողանամ իրագործել հաջորդ տարվա ընթացքում։ Իհարկե, հիմա էլ երբեմն, անգամ մանկապարտեզ ճեմ տանում, որ կարողնանանք միասին ժամանակ անցկացնել, բայց ավելին եմ ուզում։ Առհասարակ, առաջին իսկ հնարավորության դեպքում դուստրս ինձ հետ է լինում»։

Ինչ վերաբերում է աշխատանքային ոլորտում իր ցանկություններին՝ դերասանուհին ասաց․ «Գալիք տարվանից սպասելիքներս շատ են և մեծ։ Ցանկացած նոր բան վախ է ներշնչում, սակայն ես այդ փուլը հաղթահարել եմ։ Քայլերս դեպի առաջ վստահ են, ցանկություններս՝ մեծ»։