SaveՄիլիոն նախագծում Էվա Խաչատրյանին կփոխարինի Սաթենիկ Հազարյանը. կողմերը պարզաբանում են պատճառը

18:54 • 16.12.19

Շոուբիզնես

Մկրտիչ Արզումանյանի և Լևոն Հարությունայի գլխավոր դերակատարմամբ SaveՄիլիոն ներկայացման դերասանական կազմում փոփոխություն է եղել։ Դերասանուհի Էվա Խաչատրյանի փոխարեն այսուհետև բեմ է բարձրանալու Սաթենիկ Հազարյանը։

Tert.am Life-ը զրուցել է ներկայացման ռեժիսոր Նորա Գրիգորյանի և դերասանուհի Էվա Խաչատրայանի հետ՝ պարզելու արդյոք կոնֆլիկտ է եղել, ինչո՞ւ է Էվան լեքլ նախագիծը:

Էվա Խաչատրյանն այժմ նկարահանվում է Ելենա Արշակյանի նոր՝ «Սիրուն Սոնա» նախագծում, որի շրջանակում ներկայումս Շրի Լանկայում է։ Բացի այս, դերասանուհին խաղում է նաև Կամերային թատրոնում։ Էվան սկզբում հրաժարվեց մեկնաբանություն տալ այսս թեմայով, ավելի ուշ, սակայն, մտափոխվեց: «Իմ շատ սիրելի թիմի հետ ամեն ինչ լավ է, և ես բոլորին սիրում եմ»,- ասաց նա՝ չմանրամասնելով նախագծից հեռանալու պատճառները։

Ռեժիսոր Նորա Գրիգորյանն իրավիճակն այսպես մեկնաբանեց․ «Մի ձեռքով երկու ձմերուկ չես կարող բռնել, որոշեցինք ամեն մեկս մի ձմերուկ բռնել»։

Նորայի խոսքով՝ սա թիմային որոշում է եղել․ «Էվան այն նախագծից հրավեր է ստացել, որն ընդունելու մեծ ցանկություն ուներ, որոշեցինք, որ նա կմասնակցի այդ նախագծին, իսկ մեր խումբը կաշխատի նոր դերասանուհու հետ: Որևէ կոնֆլիկտային բան չի եղել։ Էվան եկավ, խմբին հայտնեց, որ առաջարկ ունի և աշխատելու ցանկություն ունի, սակայն մեր նախագծում ևս ցանկանում է լինել։ Կար ռիսկ, որ նման դեպքում հնարավոր է տուժի թե՛ մեր ներկայացումը, թե՛ նոր նախագիծը։ Որոշեցինք երկու նախագիծն էլ չփչացնել։ Էվան ֆիզիկապես չէր հասցնի, մենք որոշեցինք տեղ տալ նոր նախագծին, քանի որ այնտեղ ևս աշխատելու Էվայի ցանկությունը մեծ էր»։

Ռեժիսորն ասաց, որ իրենց հարաբերությունները չեն տուժել, թիմը պատրաստ է հետագայում էլ համագերծակցել Էվայի հետ․ «Էվայի հետ լավ հարաբերություններ ունենք: Ուղղակի, հաշվի առնելով հանգամանքները, նախ պրոդյուսերական խումբը, ապա Էվան որոշեցին, որ այսպես ավելի ճիշտ կլինի»։

Հարցին, թե ինչպես կազդի դերակատարի փոփոխությունը ներկայացման վրա, ռեժիսորը պատասխանեց․ «Ներկայացումն այնպիսի կառուցվածք ունի, որ մեծ փոփոխություն չի լինելու՝ վառ, գրոտեսկային, հետաքրքիր կերպար է, լավ դերասանուհին կարող է շատ լավ աշխատել այդ ձևաչափում։ Սաթենիկ Հազարյանի թեկնածությունն առաջարկել է պրոդյուսերական խումբը: Նրան ճանաչելով՝ համաձայնել եմ»։