«Առաջին անգամ Արամեն քնած մնաց». Աննա Թովմասյանի 33-ամյակի անակնկալն ու հուզիչ պահը

15:23 • 12.05.20

Շոուբիզնես

Երգիչ Արամեի կինը՝ երգչուհի Աննա Թովմասյանը, երեկ տոնել է 33-ամյակը, ինչի առթիվ ընտանեկան մտերմիկ հավաք են ունեցել։

Tert.am Life-ի հետ զրույցում Աննան պատմեց, որ կցանկանար տարեդարձի առթիվ խնջույք ունենալ, սակայն այս շրջանում դա անմտություն կլիներ։

«Իհարկե, կցանկանայի, որպեսզի ընկերներս կողքիս լինեին, սակայն հրավեր անելը և՛ ծիծաղելի կլիներ, և՛ դիմացինին անհարմար դրության մեջ կդներ։ Հիմա բոլորն էլ վախենում են շատ շփումից։ Ընտանեկան մտերմիկ օր ունեցա, թեև նման օրեր շաբաթական 1- 2 անգամ ունենում ենք»,- ասաց Աննան։

Նա պատմեց, որ կեսգիշերին այլևս հյուրեր չեն ունենում, քանի որ փոքրիկները ժամը 10-ից քնած են լինում։ Երգչուհուն առաջինը շնորհավորել է ընկերուհին, իսկ ամուսինը քնած է եղել։

«Արամեն շատ խորը քնած էր։) Առաջին տարին էր, որ նա առաջինը չշնորհավորեց ինձ։ Ես դրան ընբռնմամբ մոտեցա, քանի որ մեր փոքրիկը գիշերներն անհանգիստ է լինում, Արամեն ինձ հավասար չի քնում,- ասաց Աննան ու հավելեց, որ ամուսնու նվերը զարմացրել է իրեն,- Ամեն անգամ, երբ շատ ծաղիկներ եմ ստանում, մտածում եմ՝ որտե՞ղ եմ տեղավորելու։ Արամեն հիշել էր այս մտահոգությունս։ Վարդերի շատ մեծ փնջով եկավ, ասացի՝ որտե՞ղ եմ տեղավորելու, ծաղկամանը բերեց։) Շատ հետաքրքիր մոտեցում էր»։

Աննային ամենից շատ տպավորել է դստեր՝ 3-ամյա Աննա Մարիայի շնորհավորանքը։ «Այս տարի նա արդեն հասկանում էր, որ մայրիկի ծնունդն է։ Հենց մոմերը վառեցինք, սկսեց երգել Happy birthday, մամի։ Շատ գեղեցիկ ու հուզիչ պահ էր»,- ոգևորությամբ պատմեց նա։

33-ամյա երգչուհին տարիքի թվերից չի վախենում, բայց վախենում է արտաքնապես մեծանալուց։

«Երբ 20 տարեկան էի, թվում էր՝ 30-ն անց մարդիկ մեծ կանայք են՝ «ծյոծյաներ», հասա այս տարիքին ու հասկացա, որ այդպես չէ։ Իմ կյանքում ոչինչ չի փոխվել, նույն զգացողությունն ունեմ, ինչ 20-ում։ Թվերից չեմ վախենում, բայց մեծանալուց վախենում եմ։ Երբ կնճիռ, նոր միմիկա եմ նկատում դեմքիս, այդ ժամանակ եմ վախենում։ Դեռ չեմ պատկերացնում, որ կարող եմ կոսմոտիկ միջամտության դիմել»,- ասաց նա։