Դուբայի նավահանգստում որոտացած ուժգին պայթյունը ցնցել է 24 կմ շառավղով տեղակայված շենքերն ու պատուհանները (տեսանյութ)

Դուբայի Ջաբալ Ալի նավահանգստում տեղի ունեցած ուժգին պայթյունը ցնցել է 24 կմ շառավղով տեղակայված շենքերն ու պատուհանները, գրում է բրիտանական Daily Mail պարբերականը:

Նավի հրդեհվելը հարվածային ալիք է առաջացրել՝ ցնցելով շենքերը և վախեցնելով բնակիչներին:

Պայթյունի պահը տեսանկարահանել են ավելի հեռվում գտնվող բարձրահարկ շենքերի բնակիչները։

Ինչպես ավելի վաղ տեղեկացրել էր Tert.am-ը, Դուբայ էմիրության Ջաբալ Ալի նավահանգստում ուժգին պայթյուն է որոտացել։ Դուբայի իշխանությունները նշել են, որ հրդեհը «սովորական պատահար» է եղել, որը բռնկվել է դյուրավառ նյութեր տեղափոխող նավի վրա, ինչի պատճառը, ըստ ոստիկանության, կարող է լինել «շփումը կամ բարձր ջերմաստիճանը»։

Հայտնի է, որ նավահանգիստը Մերձավոր Արևելքում բեռնափոխադրումների ամենամեծ կենտրոնն է, իսկ Դուբայը՝ Արաբական Միացյալ Էմիրությունների տարածքում տարածաշրջանի առևտրի, բիզնեսի և զբոսաշրջության կենտրոնը, ինչի համար էլ նավահանգստի իշխանություններն անհրաժեշտ միջոցներ են ձեռնարկում նավերի բնականոն տեղաշարժն ապահովելու համար։

This was the explosion heard across Dubai tonight. Details to follow. Praying all are safe. Via @xmufaxsam_ pic.twitter.com/pGUPYx0rUj

— Lovin Dubai | لوڤن دبي (@lovindubai) July 7, 2021