Եղանակն՝ այսօր
Որ կուսակցությունը կարողանա բերի երաշխավորված խաղաղություն, տնտեսության զարգացում, կյանքի բարեկեցություն, պետք է դրա կողմնակիցը լինենք․ Գագիկ Ծառուկյան
Ես ունեմ լավ թիմ, ունեմ լավ ծրագիր, որ դա իրականության կոչենք, որ մարդկանց դեմքին ժպիտ լինի։ Այսօր կա 80 կուսակցություն, բայց մենք մի ազգ ենք, պետք է միասնական լինենք, որ կուսակցությունը կարողանա դա իրականացնի, բերի երաշխավորված խաղաղություն, տնտեսության զարգացում, կյանքի բարեկեցություն, պետք է դրա կողմնակիցը լինենք, այս մասին հանրահավաքի ժամանակ հայտարարել է ԲՀԿ առաջնորդ Գագիկ Ծառուկյանը։
«Ես ոչ պաշտոնի կարիք ունեմ, ոչ ճանաչման կարիք ունեմ, ոչ հարստանալու կարիք ունեմ»,-նշել է նա։
Նրա խոսքով՝ Հայաստանը պետք է դառնա ներդրումների համար գրավիչ երկիր, իսկ պետության խնդիրն է պայմաններ ստեղծել տնտեսության զարգացման համար։
«Մենք փոքր պետություն ենք, բայց մեծ ամբիցիաներով ժողովուրդ ենք։ Պետք է կարողանանք իրականացնել խոշոր ծրագրեր, որոնք նոր հնարավորություններ կբերեն Հայաստանի համար»,- նշել է նա։
Ելույթի ավարտին Գագիկ Ծառուկյանը կոչ է արել քաղաքացիներին մասնակցել հունիսի 7-ին կայանալիք ընտրություններին և կատարել իրենց ընտրությունը՝ ելնելով երկրի ապագայի մասին պատկերացումներից։
«Դուք եք ընտրելու ձեր երեխաների վաղվա ապագան։ Ընտրողը դուք եք»,- ասել է նա։
Studio One