Իրանը չի ձգտում իրավիճակի սրացման, բայց մեր քաղաքացիների կամ մեր շահերի վրա ցանկացած հшրձակում անընդունելի է․ Արաղչի

Իրանը պահանջել է Ուկրաինայից փոխհատուցում իրանական նավի հետ կապված միջադեպից հետո։ Այս մասին հայտարարել է Իրանի ԱԳ նախարար Աբբաս Արաղչին։

«Ուկրաինայի արտաքին գործերի նախարարը վստահեցրել է ինձ, որ իրանական նավի վրա հարձակումը միտումնավոր չի եղել, և որ Ուկրաինան չի ձգտում իրավիճակի սրացման։
Իրանը նույնպես չի ձգտում սրացման, բայց հստակեցրել է, որ մեր քաղաքացիների կամ մեր շահերի վրա ցանկացած հարձակում անընդունելի է։ Պատճառված վնասի համար պետք է փոխհատուցում տրամադրվի»,-հայտարարել է Իրանի արտաքին գործերի նախարարը։

Ավելի վաղ հայտնի էր դարձել, որ Ուկրաինան Կասպից ծովում հարձակվել է իրանական առևտրային նավի վրա, որի հետևանքով մեկ մարդ զոհվել էր, ևս մեկը վիրավորվել, հայտարարել էր Իսլամական Հանրապետության արտաքին գործերի նախարարությունը։