Գեղեցիկ լինելու համար պարտադիր չէ կատարյալ լինել. 10 օգտակար խորհուրդ Դոլչե-Գաբանա դուետից

13:32 • 20.01.16

Իտալական Dolce & Gabbana դիզայներական դուետը համարվում է աշխարհում ամենահաջողվածներից ու ներդաշնակներից մեկը: Արդեն 30 տարուց ավելի է՝ նրանք հագուստ ու պարագաներ են ստեղծում` ոգեշնչվելով կանացի հմայքով ու գրավչությամբ: Նրանց առաջարկած յուրաքանչյուր նոր հավաքածու հավանության է արժանանում միլիոնավոր կանանց կողմից, քանի որ դիզայներները, ի տարբերություն իրենց բազմաթիվ այլ գործընկերների, մերժում են «անսեռ նորաձևության» միտումն ու շարունակում գովերգել կանացի սեքսուալությունը։

AdMe.Ru-ն ներկայացնում է 10 ուշագրավ խորհուրդ Դոմենիկո Դոլչեից ու Ստեֆանո Գաբանայից, որոնք կօգնեն գրագետ հագնվել ու շրջապատին ձեզ ճիշտ մատուցել.

1. Նորաձևության մեջ կանոններ չկան: Յուրաքանչյուրը պետք է կրի այն, ինչ իրեն հաճույք է պատճառում: Մեր նպատակն է այնպիսի հագուստ ստեղծել, որի մեջ կինն իրեն գեղեցկուհի կզգա:

2. Ձեր կերպարը պետք է հիշվող լինի: Օրինակ` ո՞վ է հիշում, թե ինչ պայուսակ էր բռնում Սոֆի Լորենը....բայց փոխարենը բոլորը հիշում են նրա տպավորիչ լանջաբացվածքը: Ձեր կերպարն ավելի հիշվող ու արտահայտիչ դարձնելու համար ընտրեք որևէ դետալ, որը կառանձնացնի ձեզ շրջապատից:

3. Հագուստն անմիջականորեն ազդում է ամեն ինչի վրա: Յուրաքանչյուր կին ուզում է ապրել հեքիաթում, զգալ իրեն թագուհի կամ արքայադուստր` կրելով թագեր ու գեղեցիկ զգեստներ: Մեր նպատակն է ստեղծել այնպիսի հագուստներ, որոնք կրելով` կանայք կստանան բազմաթիվ հաճոյախոսություններ ու դրա արդյունքում ավելի ինքնավստահ կդառնան:

4. Գեղեցիկ ներքնազգեստը սեքսուալության գրավականն է: Դրանով դուք ձեր հարգանքն եք հայտնում սեփական մարմնին:

5. Յուրաքանչյուր կին պետք է ունենա սև փոքրիկ զգեստ ու ցնցող աքսեսուարներ, որպեսզի կարողանա տարբեր «լուքեր» ստեղծել։

6. Նորաձևության միտումների հետևից մի՛ ընկեք, փոխարենը գտեք այն, ինչ ձեզ է սազում։

7. Ուշադրություն դարձրեք կանացիության ու զգայականության խորհրդանիշ սեղմիրանի վրա: Այն ձեզ նիհարեցնում է, ավելի բարեկազմ է դարձնում` ի ցույց դնելով կանացի մարմնի գեղեցիկ կորությունները:

8. Դուք երբեք չեք մեծանա, եթե շարունակեք նախանձել: Պետք է սովորել հիանալ ու զիջել:

9. Կինը կարող է իրեն գրավիչ զգալ` նունիսկ սովորական սպիտակ շապիկ կրելով: Կարևորն այս հարցում ինքնավստահությունն է ու բնական պահելաձևը: Սեքսուալությունը հագուստի մեջ չէ. այն պայմանավորված է կնոջ պահելաձևով, հայացքով, շարժուձևով: Պետք է սովորել ճիշտ մատուցելու ձևը: