Vogue-ի լուսանկարիչ Դավիթ Մուշեղյանը և Victoria's secret-ի մոդել Ռուբինա Խանզադյանը Հայաստանում են

14:55 • 22.06.16

Vogue-ի լուսանկարիչ Դավիթ Մուշեղյանը և ֆոտոմոդել Ռուբինա Խանզադյանը Հայաստանում են: Ռուբինա Խանզադյանը Victoria's secret-ի առաջին հայ մոդելն է, ով աշխատում է Նյու Յորքի հանրահայտ Lions Agency-ի հետ. նույն գործակալության հրեշտակներից են Իրինա Շեյքն ու Ստելա Մաքսուելը:

Ռոբինա Խանզադյանը (մոդելային աշխարհում պարզապես Rubina Dyan) ծնվել է Հայաստանում, ապրել է Իսպանիայում, իսկ այժմ բնակվում է Կալիֆոռնիա նահանգում: Գեղեցկուհին ոչ միայն մոդել է, այլև՝ նկարչուհի: Հայերենին տիրապետում է միայն Ռուբինան, իսկ Դավիթը մայր լեզվով կարողանում է միայն բարևել: Tert.am Youth-ը հանդիպել է հայրենակից հյուրերին և բավականին հետաքրքիր զրույց ունեցել:

Այսօր Դավիթը և Ռուբինան ATV հեռուստաընկերությամբ հեռարձակվող «iԱռավոտ» հաղորդման բացառիկ հյուրերն էին։ Որի շրջանակներում հաղորդավարներ՝ Անի Խաչիկյանը և Հովհաննես Թովմասյանը բավականին հետաքրքիր զրույց ունեցան հյուրերի հետ։ Tert.am Youth-ը առիթը բաց չթողնելով հանդիպեց հյուրերի հետ։ Մանրամասները՝ զրույցում։

Ռուբինա Խանզադյան: Կա արդյո՞ք արյունակցական կապ Սերո Խանզադյանի հետ:

-Այո, ունենք արյունակցական կապ, քանի որ Սերո Խանզադյանը հայրիկիս հորեղբայրն է: Երբեք չեմ հեռացել բարեկամներիս: Ես գիտեմ ով է նա և շատ հպարտ եմ, որ Սերոյի գերդաստանից եմ:

Այնուամենայնիվ: Կորցրել եք Ձեր գեղեցիկ՝ Խանզադյան ազգանունը: Նորաձևության թելադրանքն է՞:

- Այո, նորաձևության մեջ կան կանոններ, որ պետք է հետևես, սակայն հիմնականում պատճառն այն էր, որ ազգանունս դժվար էր արտասանվում: Դրանցից մեկն էլ կեղծանունով ներկայանալն է: 4 տարեկան եմ եղել, երբ Հայաստանից մեկնեցինք Բարսելոնա, իսկ հետո ԱՄՆ: Հայրենիքից դուրս ապրելն ինձ չի զրկել հայ լինելուց, բայց շատ դժվար է ապրել դրսում ու մնալ լիարժեք հայ: Ես դեռ ներկայանում եմ հայկական անձնագրով՝ չնայած ոչ հայկական բեմական կեղծանվանս:

Հայկական արմատներդ ե՞րբ են իրենց մասին հիշեցնում:

-Բաց տեսարաններում սկզբունքորեն չեմ նկարահանվում: Չգիտեմ, եթե այլ ազգի լինեի էլի էի այս հարցը ցավոտ ընդունելու, բայց կարծում եմ հայը մեջս այդ ժամանակ խոսում է:

Բաց տեսարաններում չնկարահանվելը ոչ պրոֆոսիոնալ չի՞ համարվում:

-Տարօրինակ են համարում, բայց դրանից առաջարկներս չեն պակասում: Երբեմն դա համարում են քմահաճույք, բայց միանշանակ չեն մտածում, որ դա կոմպլեքս է:

Ո՞րն է Հայաստան գալու այս տարվա նպատակը: Հանգիստ, թե՞ աշխատանք:

-Հայաստանում եմ, քանի որ շատ բարեկամներ ունենք այստեղ: Այս անգամ և՛ հանգստանալու եմ, և՛ աշխատելու, քանի որ Դավիթը ցանկանում է, որ նկարահանում անենք: Կամ նկարահանման եմ, կամ խորոված ուտելու: Այստեղ բոլորը խորոված ուտելու են հրավիրում:

Գլոբալիզացիան` դա երբ Երևանում ծնված աղջիկը, Դավիդ Մուշեղյանի թեթև ձեռքով, հայտնվում է ճապոնական Vogue-ում: Դավի՛թ, ինչպե՞ս սկսեցիք աշխատել Ռուբինայի հետ:

-Նորաձևության քասթինգ էր, որին մասնակցում էր նաև Ռուբինան, երբ լսեցի ազգանունը միանգամից արձագանքեցի: Այդ օրը Ռուբինան չանցավ քասթինգը, սակայն մենք միասին սկսեցինք քայլել նորաձևության դաշտում: Երկու տարի նրան «հետապնդելուց» հետո Ռուբինան համաձայնեց, որ լինեմ իր մենեջերը:Ես ներկայանում եմ որպես Ռուբինայի մենեջեր և պետք է ասեմ, որ երկու հայերով դեռ շատ անելիքներ ունենք:

Ովքեր հետևում են սուպերմոդել Ստելլա Մաքսվելի Instagram-ին, ապա տեսել են գեղեցկուհու լուսանկարը Հանրապետության Հրապարակում ռետրո մեքենայի վրա: Դավիդ Մուշեղյանը Երևանում fashion photoshoot է լուսանկարում աշխարահռչակ դեմքերի հետ: Ուզում եք, որ աշխարհը ծանոթանա՞ Երևանի հետ:

-Շատ եմ ուզում: Խելագարվում եմ Երևանի համար: Ցանկանում եմ բնակարան գնել Երևանում: Շատ հնարավոր է, որ երբեմն գամ այստեղ:

Գիտենք, որ ամուսնացած չեք: Հայ աղջիկը կարող է՞ դառնալ Ձեր կողակիցը:

-Իհարկե կարող է: Ուզում եմ հանդիպել հայ աղջկա ու կյանքս կապել նրա հետ, բայց դեռ «Նրան» չեմ գտել: Շատ կուզեմ, որ երեխաներս հայկական դաստիարակություն ստանան: