Ամեն մարդ գեղեցիկ է իր ոճում. Սոնե Սիլվեր (ֆոտոշարք)

11:42 • 22.06.16

Երգչուհի Սոնե Սիլվերը Tert.am Youth-ին է տրամադրել իր նոր ֆոտոշարքը եւ խոսել իր նոր ծրագրերի մասին:

Սոնե, երկար ժամանակ է լռում եք: Ի՞նչ ծրագրեր ունեք:

-Երկար ժամանակ է, ինչ մտածում եմ նոր երգով հանդես գալու մասին: Որոշել էի «Ты ангел» ռուսերեն երգի հիման վրա նկարահանել տեսահոլովակ: Բայց մտափոխվեցի, որովհետեւ երգը ֆլամենկո ռիթմի մեջ է եւ ոճային փոփոխությունը շատ կլիներ: Չեմ ցանկանում, որ մարդիկ կարծեն իմ ոճը փոխում եմ: Հիմա նոր երգի վրա եմ աշխատում, որը կրկին կլինի անգլերեն:

Ինչի՞ մասին է երգը եւ ովքե՞ր են հեղինակները:

-Երգը կոչվում է «Enjoy», որը բարձրացնում է մարդու տրամադրությունը: Երգում ասվում է, թե ինչպես է պետք կյանքը վայելել: Երգի հեղինակը Հայկ Մանուչարյանն է, խոսքերինը` Ադրինա Մովսիասյանը: Ձայնագրությունը եւ տեսահոլովակը պատրաստման փուլում են: Իսկ տեսահոլովակի մանրամասներ չեմ ցանկանա ասել, քանի որ դեռ ամեն ինչ չէ, որ հեստակեցված է:

Ինչո՞վ է պայմանավորված, որ երկարատեւ դադարից հետո եք նոր տեսահոլովակ ներկայացնում:

-Ես ինքս մաքսիմալիստ եմ ամեն ինչ սիրում եմ ճիշտ անել եւ որակ ստանալ: Եվ այդ պատճառով է, որ հաճախակի չեմ ներկայացնում նոր տեսահոլովակներ:

Ամառ է, բայց Դուք ծրագրած աշխատանքներ ունեք: Միթե՞ չեք հանգստանալու:

-Այս ամառ ինձ համար շատ հանելուկային ամառ է, պլաններ կան, որոնք պետք է հերթականությամբ անել: Հաստատ կգնամ հանգստի, բայց երբ չգիտեմ: Միանշանակ կարող եմ ասել, որ ծով եմ գնալու, քանի որ իմ հանգիստը միայն ծովում եմ պատկերացնում:

Թե՛ ֆոտոշարքում եւ թե՛ քո տեսահոլովակներում դու նույն ոճում ես: Կգա՞ մի օր, որ կփոխեք Ձեր ոճը:

-Շատերն են ասում, որ արտիստը պետք է փոփոխություններ անի, բայց ինքս չեմ սիրում կտրուկ փոփոխություններ կատարել: Կարծում եմ ամեն մարդ գեղեցիկ է իր ոճում: