«Բաց տեսարաններում երբեք չեմ նկարահանվի». Լիկա Սալմանյան

Tert.am Life-ի զրուցակիցը ամենաերիտասարդ դերասանուհիներից մեկն է՝ Լիկա Սալմանյանը:Առաջին քայլեր, նպատակներ, անձնական կյանք ու չմկենաբանված առաջին սեր՝ մանրամասները զրույցում:

-Ինչպե՞ս բժշկական սպիտակ համազգեստը փոխարինվեց տեսախցիկով, սցենարով  ու հեռուստադիտողներով:

-Առաջին քայլերս արեցի, երբ դեռ սովորում էի բժշկական քոլեջում: Ճիշտ ժամանակին հասկացա, որ այս աշխատանքն ինձ ավելի հոգեհարազատ է ու հաճելի:

-Թատրոնի և կինոյի ինստիտուտի շենքում ուսանողի կերպարում հայտնվելը չկա՞ պլաններում:

-Մտածել եմ այդ ուղղությամբ: Շատ հնարավոր է:

-Նկարահանման առաջին օրվա զգացումներից  խոսենք…

-Հուզմունք, ներքին վախ: Չափազանց անսովոր էր, բայց նաև հաճելի: Ինձ համար բացվեց ամբողջությամբ նոր աշխարհ:

-Կա՞ կերպար, որ երբեք չեք մարմնավորի:

-Առանձնացված կերպար չկա, բայց բաց տեսարաններում երբեք չեմ նկարահանվի:

-Երազանք, որն արդեն իրականություն է..

-Երազկոտ չեմ: Առհասարակ երազանքներ չեմ պահում: Այն ինչ  երազանք են անվանում՝ ես կոչում եմ նպատակ:

-Հիշողություն, որ միշտ Ձեզ հետ է:

-Շատ հիշողություններ ունեմ մանկության հետ կապված: Ամենահիշվողներից մեկը՝ քույրիկիս երեխաների ծնունդն էր:

-Գիտենք, որ Ձեր ծնողներն ապրում են արտերկրում: Ո՞ւմ հետ եք սկսում առավոտը:

-Այո, ծնողներս արտերկրում են: Տատիկիս ու պապիկիս հետ եմ ապրում:

-Օրվա անելիքներից, ո՞րն եք  ամենաշատը կարևորում:

-Այս պահին զբաղված եմ սրահիս գործերով: Հիմա թիվ մեկ կարևորության գործը՝ գեղեցկության սրահի աշխատանքի համակարգումն է:

-Բավականին երիտասարդ դերասանուհին արդեն բիզնես լեդի է: Ինչպե՞ս ստացվեց:

-Նպատակ էր, որն իրականացրի:

-Չկար մտավախություն, որ երիտասարդ  տարիքում բիզնես ունենալը Ձեր անունը այլ  իմաստով կկապի որևէ հեղինակության հետ:

-Մարդկանց որոշ զանգված խոսում է, այն մասին, որ ես արհեստական եմ: Այսինքն՝ վիրահատություններ եմ տարել և այլն: Իրականում նման բան չկա: Եթե ականջ դնեի մարդկանց անհիմն խոսակցություններին, ապա կյանքում ոչնչի չէի հասնի: Նման բաներ մտածում են, այն մարդիկ՝ ովքեր իրենց կյանքում ոչնչի ինքնուրույն չեն հասել:

-Առաջին սեր, որը երբեք չի մոռացվում: Քանի՞ տարեկան էիք...կպատմեք

-Շրջանցենք այս հարցը:

-Ինչպիսի՞ կին է լինելու Լիկան:

-Երբ ժամանակը գա ամուսնուս կհարցնեք:

-Քանի երեխայի մայր եք Ձեզ պատկերացնում:

-Միշտ երկու երեխա եմ ցանկացել ունենալ՝ աղջիկ և տղա, բայց շատ կցանկանամ, որ առաջինը աղջիկ լինի:

-Ամառային հանգիստն արդեն պլանավորված է՞:

-Հանգիստս դեռ պլանավորված չէ: Աշխատանքից է կախված, եթե հասցնեմ, ապա մեծ սիրով:

-Ձեր անձնականը պարբերաբար քննարկվում է: Հիմա  էլ ասում են, որ  կապի մեջ եք ամուսնալուծված տղամարդու հետ ով  2 երեխաների հայր է: Հերքում ե՞ք, թե՞ հաստատում:

-Երբ ժամանակը գա բոլորն ամեն ինչ կիմանան, սակայն ճիշտը:

                                                           Զրույցը՝ Անահիտ Կասամանյանի