Դպրոցում ես մաֆիայի պարագլուխն էի. Սոնե Սիլվերի դպրոցական արկածները

14:47 • 02.09.16

Ուսումնական տարվա սկզբին ակամայից հիշում ենք դպրոցական մեր վառ և արկածային օրերը: Ժպիտ, կարոտ, թախիծ... տարբեր մարդկանց մոտ տարբեր զգացողություններ են արթնանում:

Tert.am Life-ի հետ զրույցում Սոնե Սիլվերը պատմեց դպրոցական իր արկածային պատմությունները:

Աշխույժ երգչուհին սովորել է Երևանի Չայկովսկու անվան միջնակարգ երաժշտական մասնագիտական դպրոցում: Սոնեն իր դպրոցական տարիների ամեն մի մանրուք շատ լավ է հիշում:

«Առաջին դասարանում, երբ մայրս ինձ ուղեկցեց դպրոց և հետո գնաց, ես սկսեցի լացել, քանի որ վախենում էի, որ մենակ կմնամ: Անընդհատ մայրիկիս էի ուզում: Բայց հետո ամեն ինչ կարգավորվեց: Դպրոցական տարիներն ինձ համար ամենաերջանիկ տարիներն են: Ամենաուրախ, ամենաանհոգ, անբացատրելի էր յուրաքանչյուր օրը դպրոցում: Միշտ կարոտով եմ հիշում»,- պատմեց Սոնեն:

Սոնեի երազանքներից մեկը հենց մանուկ հասկաում է իրականացել:

«Միշտ սիրել եմ երաժշտությունը, սիրել եմ երգել: Երջանիկ եմ, որ ծնողներս ինձ հենց այդ դպրոցը տարան, քանի որ այնտեղ դասավանդում էին հմուտ մասնագետներ` թե հանրակրթական, թե երաժշտական բարձր մակարդակի վրա, շնորհակալ եմ բոլոր ուսուցիչներիս անչափ: Սիրել եմ երաժշտական գրականությունը, չէի սիրում ֆիզիկան, բայց հիշում եմ ֆիզիկայի ուսուցչիս հետ կոնֆլիկտ ունեցա և ինձ մոտ սկզբունքային դարձավ գերազանց սովորել ֆիզիկան և հավատացեք սկսեցի սիրել այն»,- ասաց Սոնեն:

Դպրոցական տասը տարիները Սոնեի համար արկածներով լեցուն է եղել: Նրա խոսքով. «Այնքան ուրախ են անցել այդ տասը տարիները, որ դժվարանում եմ առանձնացնել մեր խենթությունները: Անկախ ամեն ինչից անկարգություներ շատ ենք արել: Հիշում եմ, որ դասից հետո ամբողջ դասարանը տակն ու վրա էինք անում` պահարաններն ու նստարաններն էինք շրջում, հետո դուռը փակում, իսկ բանալին հանձնում ուսուցչանոց: Հաջորդ օրը տնօրենի սենյակում էինք հայտնվում (ծիծաղում է): Հիշում եմ, որ ուսմասվարը մեր վեց ընկերուհիներին ասում էր`« ձեր վեցյակ մաֆիան արդեն շարքից դուրս է եկել: Բավական է վեցով դասերից փոխչեք: Ես էլ ցավոք սրտի հանդիսանում էի մեր այսպես կոչված մաֆիայի հիմնադիրը (ծիծաղում է)»:

Մելինե Տոնոյան