Այս մասին պետք է իմանա յուրաքանչյուր մարդ, ով ցանկանում է մեծացնել շրթունքները

16:47 • 11.10.16

Ժամանց

Խոշոր ու փափուկ շրթունքները մի քանի տարի երիտասարդացնում են կնոջը: Սա լավ տարբերակ է առավել գեղեցիկ ու հմայիչ երևալու համար: Սակայն, վերջերս այս պրոցեդուրան անում են նաև 18-ամյա երիտասարդ աղջիկները, որոնք երիտասարդ երևալու խնդիր չունեն: Այդ պատճառով էլ մենք որոշել ենք այս պրոցեդուրայի մասին ավելի մանրամասն տեղեկատվություն տրամադրել: Պատմում է պրոֆեսիոնալ մաշկաբանը:

Լավ մասնագետ գտեք

Առաջին հերթին լավ մասնագետ գտեք: Անպայման տեղեկատվություն պահանջեք նրա մասնագիտական հմտությունների ու դիպլոմի մասին: Մինչ բուն պրոցեդուրային անցնելը՝ փորձեք նրան ավելի լավ ճանաչել, ու մի քանի աննշան կոսմետոլոգիական միջամտություններ անել:

Ձեր ցանկությունները ճիշտ արտահայտեք

Հնարավոր է, որ այն ինչ ցանկանում եք փոխել՝ համապատասխան չի լինի ձեր դեմքին: Լավ մասնագետը ինքը պետք է առաջարկի այնպիսի տարբերակ, որը կսազի ձեր դեմքին:

Համոզվեք, որ հակացուցումներ չունեք

Օրինակ, եթե որոշ նյութերից ալերգիա ունեք, կամ վերջերս հերպես եք ունեցել, ինչպես նաև հղիության ընթացքում, ու 18 տարեկանը չլրանալու դեպքում խորհուրդ չի տրվում նման պրոցեդուրաներ անել:

Պատրաստվեք նույնությամբ կատարել բժիշկի ցուցումները

Մի որոշ ժամանակ չեք կարողանա օգտագործել թաք ըմպելիքներ, ալկոհոլ, ինչպես նաև շատ արևի տակ մնալ ու նույնիսկ համբուրվել:

Դաշտանային ցիկլի առաջին օրերին մի արեք այս պրոցեդուրան

Ցիկլի ընթացքում ձեր օրգանիզմն ավելի զգայուն է դառնում, հետևաբար դժվարությամբ կնդունի ներարկված նյութերը:

Պատրաստվեք ցավին

Պրոցեդուրայից հետո ցավեր կունենաք ու շրթունքնեը կուռչեն: Սովորաբար ուռուցքը մեկ օր է տևում, սակայն ցավը կարող է ձգվել մինչև մեկ շաբաթ: Ինչպես նաև այս ընթացքում չի կարելի ցավազրկողներ օգտագործել:

Արդյունքը կպահպանվի մինչև մեկ տարի

Ներարկված նյութերը ժամանակի ընթացքում ներծծվում են: Արդյունքը կպահպանվի 3 ամսից մինչև մեկ տարի՝ կախված օրգանիզմի հատկություններից: Ինչպես նաև ցածրակարգ նյութերը կարող են ժամանակի ընթացքում լուրջ խնդիրներ առաջացնել:

Աղբյուրը՝ elle.ru