5 խորհուրդ օնյալն խանութներից որակյալ կոսմետիկա գնելու համար

15:35 • 28.10.16

Ժամանց

Օնլայն խանութներում ամեն բան չափազանց մատչելի ու հասանելի է: Այնտեղից անհամեմատ ցածր գներով կարելի է գնել օրիգինալ ու որակյալ կոսմետիկա, հագուստ ու տեխնիկա: Միայն մեկ խնդիր կա՝ դուք երբեք չգիտեք, թե արդյունքում ձեզ ինչ կհասնի: Հաճախ պատահում է, որ այն, ինչ տեսնում եք նկարի վրա և այն ինչը հասել է ձեզ՝ լրիվ տարբեր իրեր են: Սա կախված է օնլայն խանութի վաճառողի վարկանիշից և շատ այլ գործոններից:

lady.ru-ն գրում է, որ կարող են այնպիսի դեպքեր պատահել, երբ ձեր ընտրած հագուստը վատ որակի լինի կամ չափսը չհամապատասխանի և նույնիսկ այլ ձևի լինի: Սակայն հագուստի դեպքում ռիսկերը մինիմալ են, քանի որ հագուստը չի վնասում ձեր առողջությանը, իսկ օնլայն խանութից կոսմետիկա գնելը չափազանց ռիսկային է: Անորակ կոսմետիկան կարող է փչացնել ձեր մաշկն ու անդառնալի հետևանքների բերել:

Այսպիսի դեպքերից խուսափելու համար պետք է ավելի ուշադիր ու հմտորեն կոսմետիկա ընտրեք: Օնլայն խանութներում օրիգինալ կոսմետիկան շատ մատչելի է, սակայն դժվար է տարբերելն օրիգինալն ու կեղծը:

Ձեզ օգնելու համար ներկայացնում ենք մի քանի խորհուրդ օնլայն խանութներից որակյալ կոսմետիկա գնելու համար:

1. Մի վստահեք չափազանց մատչելի կոսմետիկային:

Ինչպես ասում են «Թանկից էժանը չկա»: Իհարկե, օնլայն խանութի ամենամեծ առավելությունը մատչելիությունն է, սակայն ադեկվատ գնահատեք ձեր ընտրած կոսմետիկայի որակն ու մի գնեք չափազանց մատչելին: Փորձեք հասկանալ, թե որքան էժան կարող է լինել տվյալ կոսմետիկան ու լավ ընտրություն կանեք:

2. Գնեք ստուգված խանութներից:

Կարող եք խորհուրդ հարցնել ձեր ընկերուհիներից, մտերիմներից ու ծանոթներից: Մի գնեք կոսմետիկա այն խանութից, որի մասին ոչինչ չգիտեք: Այն կարող է անորակ լինել ու վնասել ձեր մաշկը:

3. Համոզվեք, որ կոսմետիկան որակյալ է:

Կապվեք օնլայն խանութի վաճառողի հետ, որքան հնարավոր է շատ հարցեր տվեք, նրանից որակը հաստատող փաստաթղթեր պահանջեք:

4. Փորձանմուշներ պատվիրեք:

Մինչ խոշոր գնում կատարելը՝ գնեք ձեր ընտրած կոսմետիկայի փորձանմուշները, որոնք շատ ավելի մատչելի են: Փորձեք ու համոզվեք, որ դա հենց այն է, ինչ ձեզ հարկավոր էր:

5. Ուսումնասիրեք տվյալ խանութի վարկանիշը:

Մինչ գնում կատարելը՝ հետևեք խանութի գործունեությանը, մեկնաբանություններ կարդացեք, նկարները նայեք: Ուսումնասիրեք օնլայն խանութն ու միայն այդ ժամանակ՝ համոզված լինելով, որ չեք սխալվի՝ գնում կատարեք: