5 հին եկեղեցի, որոնք վերածվել են փաբերի ու գրադարանների

14:56 • 12.11.16

Photographer

Հին եկեղեցիները փաբերի ու թատրոնների վերածելը սրբապղծություն չէ, այլ 21-րդ դարի իրականությունն է:

style.rbc.ru-ն գտել է 5 եկեղեցի, որոնք նոր կյանք են ստացել և այժմ այլ արժեքների են ծառայում:

Selexyz Dominicanen գրախանութ

Նիդերլանդներում գտնվող XIII դարի եկեղեցին այժմ վերածվել է գրախանութի: Հին կառույցին նոր կյանք է տվել Merkx + Girod ճարտարապետական կազմակերպությունը:

Հեղինակները պահպանել են XIV դարի կտավները և ձեռք չեն տվել շենքի ընդահնուր տեսքին: Սա առաջին անգամը չէ, երբ այս եկեղեցին ձևափոխում են: XVIII դարում այն գրավել է Նապոլեոնի բանակն ու օգտագործվել ռազմական նպատակներով:

Frankenstein փաբ

Շոտլանդիայում գտնվող հինավուրց եկեղեցին այժմ փաբի է վերածվել: Գոթական ոճով կառուցված եկեղեցու հավատացյալները սա սրբապղծություն կհամարեին: Փաբում կարելի է այնպիսի խմիչքներ պատվիրել, ինչպիսիք են «Արյան կուտակում», «Դժողքից դուրս եկածն» և այլն:

Փաբը հատկապես ակտիվ է Հելոուինի ժամանակ: Այն ունի իր անվանը համապատասխան ներքին ձևավորում՝ կմախքներ, սարսափելի պատկերներ ու սարդեր:

Kaos Temple սկեյթ-այգի

Իսպանիայում գտնվող Սուրբ Բարբարա եկեղեցին կառուցվել է 1912 թվականին: 1939-ին՝ Իսպանիայի քաղաքացիական պատերազմից հետո, լքված է դարձել:

Տեղացի սկեյթերներն որոշել են հին եկեղեցուն նոր կյանք տալ ու այն սկեյթ-այգի դարձնել: Այս նախագծում մասնակցություն է ունեցել նաև նկարիչ Օկուդա Սան Միգելը, որը նկարազարդել է հին եկեղեցու պատերն ու դրան ավելի ժամանակակից տեսք հաղորդել:

«Ստեդլեյք» թանգարան

XVIII դարում ճարտարապետ Յան Ջուձիչին հոլանդական Սիդխամ քաղաքում աղքատների համար ապաստան է կառուցել: Ապաստանը նաև որպես եկեղեցի էր ծառայում, իսկ մի քանի հազար տարի հետո՝ այն դարձել է «Ստեդլեյք» թանգարանի նախասրահը: Կառույցին նոր շունչ է հաղորդել MVRDV ճարտարապետական ընկերությունը:

Եկեղեցու ներսի հատվածը կարմիր գույնի է ներկված, պատերը բազմաթիվ դարակներ ունեն, որոնցում աբստրակտ իրեր են դրված: Ճարտարապետները, հիմնականում, չեն փոխել եկեղեցու նախնական տեսքը:

Թատրոն EveryMan

EveryMan-ը հիմնադրվել է Լիվերպուլում, 1964 թվականին: Այնտեղ ցուցադրվում են և դասական ներկայացումներ, և ժամանակակից: Թատրոնը գտնվում է XIX դարում կառուցված եկեղեցու ներսում: Եկեղեցին կառուցվել է 1837 թվականին: Եկեղեցու պատերը քանդվել են, իսկ մնացած աղյուսներով կառուցվել է թատրոնը: