«Վիրահատական միջամտության չեմ դիմել». Ձյունիկը Սելենա Գոմեսի նմանության և Քայլի Ջեների ոճը նախընտրելու մասին

Instagram-ի հայուհին՝ Ձյունիկը, շարունակում է բոլորի ուշադրության կենտրոնում մնալ: «Քարե դարդ»-ում Լոլոյի կերպարը մարմնավորած 19-ամյա Ձյունիկ Վարդանյանը սովորում է Ճարտարապետության և շինարարության դիզայնի բաժնում: Նա բացի ուսումից և «Քարե դարդ» սիթքոմում նկարահանվելուց, երբեմն այլ առաջարկներ է ստանում: Այս մասին Tert.am Life-ի հետ զրույցում պատմել է դերասանուհին: Նա խոսել է նաև իր արտաքին գեղեցկության, հաջողության և Սելենա Գոմեսին նման լինելու մասին:

-Ձյունիկ, միշտ ուշադրության կենտրոնում եք ու շատերը համարում են, որ դուք հաջողակ եք: Ինչո՞վ է պայմանավորված այդ հաջողությունը և  ուշադրությունը, որը կա Ձեր անձի նկատմամբ:

-Կարծում եմ Instagram-ի ակտիվությամբ, որտեղ շուրջ 3 տարի է գրանցված եմ: Ամեն օր աշխատում եմ ակտիվ լինել և հետ չմնալ սոցցանցերի նորություններից:

-Ձեր արտաքին գեղեցկությունը համարո՞ւմ եք հաջողության գրավականներից մեկը:

-Ես ինքս ինձ չեմ համարում, որ երևելի արտաքին ունեմ: Կարևորում եմ հոգևորը և մարդու ճիշտ վարվելակերպը և ընդհանրապես մարդ լինելը: Աշխատում եմ հիմնականում բնական լինել: Չեմ սիրում արհեստականը: Կարծում եմ մարդիկ սիրում են հենց իմ բնական լինելը:

-Ասում են, որ Ձեր արտաքինում վիրահատական միջամտության եք դիմել: Ի՞նչ կասեք այս մասին:

-Ընդհանրապես ոչ մի վիրահատական միջամտության չեմ դիմել: Ինչպես ստեղծել է ինձ բնությունը, այնպես եմ:

-Ինչպե՞ս եք վերաբերվում վիրահատական միջամտությունների:

-Եթե աղջիկը ունի անտանելի գեշ քիթ և դա շտկելով նա կարող է ավելի գեղեցիկ լինել, ապա ես դեմ չեմ: Բայց չեմ սիրում, երբ  չափից դուրս է: Չեմ սիրում, որ բոլորն իրար են նմանվում:

-Ձյունիկ ասում են, որ Ձեզ նմանեցնում եք Սելենա Գոմեսին: Այդպե՞ս է:

-Դեռևս փոքրուց շատերն են նմանացրել: Միգուցե կլոր դիմագիծս է նման: Ինքս իրեն համարում եմ գեղեցկուհի, և երբ փոքր ժամանակ ասում էին, որ նման եմ, ուրախանում էի: Հիմա էլ է այդպես: Հաճելի է, գեղեցկուհու նման լինել:

-Դուք Ձեզ նմանեցնո՞ւմ եք Սելենային:

-Ոչ: Չեմ նմանեցնում: Ոճային առումով հնարավոր է ինչ-որ բան, եթե դուր գա ինձ, վերցնեմ: Բայց նրան նմանվել՝ ոչ: Կան արտիստներ, որոնց հետևում եմ և իրենց ոճը ինձ դուր է գալիս՝ այն փոփոխելով իմն եմ դարձնում:

-Ո՞ր արտիստների մասին է խոսքը:

Ամենաշատը Քայլի Ջեներին եմ հետևում: Նա միշտ յուրահատուկ է իր ոճով: Նորաձև է հագնվում և ինձ դուր է գալիս իր ոճը: Նրա ոճն ինձ ավելի հոգեհարազատ է:

-Ձյունիկ մանկությունդ անցել է Շվեդիայում: Կա մտածելակերպի տարբերությո՞ւն Ձեր և այն աղջիկների, որոնք մեծացել են Հայաստանում:

Չեմ կարող ասել Շվեդիան ինձ փոխել է, թե ոչ: Բայց օտարերկրացու և հայի միջև մտածելակերպի տարբերությունը բավականին նկատելի է:  Հայ աղջիկների հետ համեմատած իմ մտածելակերպն ավելի լայն է: Ես ավելի թեթև կնայեմ այն ամենին, ինչը հայ աղջիկները կարող են ծանրացնել: Բայց միշտ չափի մեջ եմ: Չէ որ դեռահասությունս այստեղ է անցել: Նախընտրում եմ հայ աղջկա նման մտածել:

Նյութը՝ Մելինե Տոնոյանի