Ըստ հորոսկոպի՝ այս հատկանիշները նյարդայնացնում են շրջապատին

19:57 • 22.02.17

Ժամանց

Հորոսկոպի բոլոր նշաններն էլ իրենց ուժեղ ու թույլ կողմերն ունեն։

greatpicture.ru-ն գրում է, որ նրանք նաև այնպիսի հատկություններ ունեն, որոնք նյարդայնացնում են շրջապատի մարդկանց։

Խոյերը շատ են սիրում վիճել։ Նրանք չեն կառավարում իրենց խոսքն ու նույնիսկ մտերիմների հետ են վիճում։ Այս նշանները կարծում են, որ պետք է ապացուցեն ճշմարտությունը, նույնիսկ այն դեպքում, երբ սխալվում են։ Նրանք շատ ուշ են հասկանում, որ անիմաստ են վիճում։

Ցլերը շատ ծույլ են։ Նրանք մշտապես նոր գաղափարներ են ունենում, որոնք կարող են իրագործել, սակայն զլանում են։ Նրանք գիտեն, որ իրենց ալարկոտությունը լավ հատկություն չէ, սակայն դա նրանց չի խանգարում ոչինչ չանել։ Շրջապատողներին նյարդայնացնում է այս հատկությունը, քանի որ, եթե նրանց հետ որևէ բան են պայմանավորվում, ապա երբեք վստահ չեն, որ դա կիրականանա։

Երկվորյակները բառի վատ իմաստով անկանխատեսելի են։ Նրանք շատ նախագծեր են կազմում ու վերջին պահին չեղյալ համարում դրանք։ Նույնը վերաբերվում է նրանց կարծիքին, նրանք շատ հաճախ են փոխում կարծիքը։ Այս նշանները պատասխանատվության զգացողություն չունեն նույնիսկ իրենց հարազատների առջև։

Խեցգետինների անինքնավստահությունն ու չափից շատ զգացմունքայնությունը հաճախ նյարդայնացնում են մարդկանց։ Նրանք կասկածում են իրենց ամեն քայլին։ Այս նշաններին պետք է որևէ մեկը, ով ճիշտ ուղղություն ցույց կտա։ Նրանք հակված են դեպրեսիաների ու անորոշության։

Առյուծները չափազանց ինքնավստահ ու ինքնագոհ են։ Նրանք եսասեր են ու ցանկանում են իրենց ցույց տալ ուրիշների առաջ։ Չնայած, որ շրջապատողները տանել չեն կարողանում այս հատկանիշները, նրանք միևնույնն է Առյուծների մեջ լիդերներ են տեսնում։

Կույսերը պերֆեկցիոնիստներ են։ Նրանք երբեք չեն ուշանում, միշտ ամեն բան հսկողության տակ են պահում։ Նույնիսկ, եթե սխալվում են, ապա երբեք դա չեն ընդունում։

Կշեռքներն անինքնավստահ են և սեփական կարծիքը չունեն։ Նրանք միշտ առաջին հերթին մտածում են այլ մարդկանց մասին, և միայն հետո իրենց։ Նրանք երբեք ուղիղ չեն խոսում, քանի որ վախենում են նեղացնել որևէ մեկին։ Այս նշանները հեշտությամբ ընկալում են շրջապատի տրամադրությունն ու ինտեգրվում դրան։

Կարիճները չափազանց պահանջկոտ ու ինքնավստահ են։ Հենց սա է վանում մարդկանց։ Թվում է, թե նրանք հանգիստ ու բարի են, սակայն մտքում խորամանկ պլաններ են մշակում։ Այս նշանները կարողանում են կառավարել մարդկանց ու մանիպուլյացիաների դիմել։

Աղեղնավորները սահմաններ չեն ճանաչում։ Եթե սիրել, ապա մինչև մահ, եթե մեքենա գնել, ապա ամենաթանկը։ Սա վախեցնում է մարդկանց։ Նրանք երբեք չգիտեն, թե Աղեղնավորի մտքով ինչ կարող է անցնել։

Այծեղջյուրներն այնքան ինքնավստահ են, որ դա վախեցնում է մարդկանց։ Առաջին հայացքից նրանք կարող են միամիտ թվալ, սակայն իրականում նրանք լավ գիտեն, թե ինչ են ցանկում ու գնում են դեպի իրենց նպատակների իրականացումը։

Ջրհոսներն ինքները չգիտեն, թե ինչ են ցանկանում։ Երբ շրջապատի մարդիկ աշխատում ու ջանք չեն խնայում, նրանք ճեմում ու փնտրում են իրենց անհատականությունը։ Չնայած այս ամենին, նրանք երբեք չեն անի այն, ինչ իրենց դուր չի գալիս։ Ջրհոսներին տեսնելիս՝ կարծիք է ստեղծվում, որ նրանք իրենց սեփական աշխարհում են ապրում։

Ձկները մշտապես ուշանում են։ Նրանք չեն զգում ժամանակն ու ստիպում են մարդկանց սպասել։ Նրանք ամպերում են թռչում և մարդկանց դա նյարդայնացնում է։