7 զարմանալի փաստ Չինաստանի մասին, որ ստիպում են փոխել կարծիքն այդ երկրի մասին

17:00 • 02.03.17

Ժամանց

Շատերի համար դժվար է հասկանալ չինացիներին, քանի որ նրանք ասես այլ մոլորակից լինեն։ Նրանք շատերի համար անհասկանալի սովորույթներ, մշակույթ ու խոհանոց ունեն։

4tololo.ru-ն գրում է, որ այն, ինչ չինացիների համար բնական ու նորմալ է, եվրոպացիների համար անընդունելի ու խորթ է և առաջարկում է իմանալ 7 անսպասելի փաստ Չինաստանի մասին, որ ստիպում են փոխել կարծիքն այդ երկրի մասին։

Չինական մեծ պարիսպը շարունակում է երկարել։ 2009 թվականին գիտնական Ուիլյամ Լինդսին ուղևորվել է Գոբի անապատ ու այնտեղ հողաթմբեր է հայտնաբերել, որոնք աստիճանաբար կուտակվում ու պատի են վերածվում։ Այժմ դրանք ավելի քան կես մետր բարձրություն ունեն։ Լինդսին արդեն շատ վաղուց է ուսումնասիրում Չինական մեծ պարիսպը։ Գիտնականն աշխատություն է գրել դրա մասին, այն բանից հետո, երբ ճանապարհորդել է պարիսպի շուրջ 2470կմ։

Չինաստանում է գտնվում Կայլաս կոչվող լեռը, որը ուղղանկյունաձև կառուցվածք ունի։ Այս լեռը սուրբ վայր է Հինդուիզմի, Թիբեթյան լամաիզմի ու շամանության հետևորդների համար։ Այն 6700մ բարձրություն ունի և ոչ ոք դեռ դա չի հաղթահարել։ Հաճախ, կազմակերպվող արշավները չեղյալ են համարվում հավատացյալների բողոքների պատճառով։

Լյու Բոլինն ապրում է Պեկինում։ 43-ամյա նկարիչը հայտնի է նրանով, որ իր նկարներում նա ամբողջովին ձուլվում է շրջակա միջավայրի հետ։ Այս ամենի գաղափարը նրանն է, իսկ օգնականները նրա վրա գրիմ ու ներկ են քսում, ինչի համար նա ստիպված է լինում ժամեր շարունակ կանգնել նույն դիրքով, նույն վայրում։ Իր հարցազրույցներից մեկում Լյուն ասել է, որ իր նկարներով ցանկանում է ուշադրություն հրավիրել սովորական մարդու կյանքին ու ապրելակերպին։

Շատերը կարծում են, որ «Ավատար» 3D ֆիլմի բոլոր դրվագներն ու տեղամասերը ստեղծվել են զրոյից կամ հորինվել են ռեժիսոր Ջեյմս Քեմերոնի կողմից։ Իրականում, որոշ տեղամասերի էսքիզները նկարվել են Zhangjiajie կոչվող տեղամասում։ Այստեղ այնպիսի ժայռեր կան, որոնք, թվում է, թե թռչում են։ Դրանցից մեկը կոչվում է Ավատար-Ալալույ և 1080մ բարձրություն ունի։

Չինաստանում սև թեյ համարյա չեն օգտագործում։ Ավելին, այն կոչվում է կարմիր թեյ։ Այստեղ բացառապես կանաչ թեյ են օգտագործում։

Չինացիներն այլ պատկերացումներ ունեն սննդի մասին։ Նրանք ուտում են ոչ միայն այն պատճառով, որ քաղցած են, այլև, որպեսզի հաճույք ստանան դրանից։ Այստեղ բրինձը մատուցվում է ճաշի վերջում։ Սովորաբար, զբոսաշրջիկներն այն ցանկանում են սկզբում ուտել, որպեսզի թեթևացնեն մնացած ուտեստների յուղոտությունն ու կծվությունը, իսկ մատուցողներն միանգամայն զարմանքով են դա լսում։ Բրինձը հասանելի է Չինաստանի յուրաքանչյուր բնակչին, նույնիսկ ամենաաղքատներին։ Սա նրանց համար անհամ ու չոր սնունդ է, որն անհրաժեշտ է քաղցը հագեցնելու համար, երբ մնացած ուտեստներն արդեն վերջացել են։

Յունան գյուղն այն վայրն է, որտեղ ապրում են Չինաստանում ապրող ազգային փոքրամասնությունները։ Այստեղ կարելի է տարբեր լեզուներով խոսող ու տարբեր մշակույթ ունեցող մարդկանց հանդիպել։ Օրինակ, Մոսո կոչվող ցեղախմբի մոտ ընդունված էր մայրիշխանությունը։ Ավելին, այստեղի կանայք նախընտրում էին կարճ կապեր հաստատել տղամարդկանց հետ ու չամուսնանալ։ Ամուսնանում էին միայն աղքատ կանայք, որոնց պետք էր մեծ ու ամուր ընտանիք, որպեսզի կարողանային գոյատևել։ Սակայն, այստեղ ևս թափանցել է ժամանակի շունչն ու որոշ կանայք սկսել են ամուսնանալ։